港產片重新修複之後再賣碟，已經唔係咩新鮮事，最近呢幾年，合拍片多左，對我來講，港產片真係好少會入場睇，買碟就更加無咩可能，眼見哥哥的槍王出修復版藍光，而且街價只係百幾蚊，無理由唔支持一下港產片的修復工業的吧！
套戲有幾咁好睇？哥哥有幾型？方中信有幾型？警察的錯定係哥哥的錯？比賽的精神係咩？執法的精神係咩？老屈一個有精神問題的殺人犯，搞到佢變成殺人狂，係申張正義定係純粹報仇？自己睇完就自有答案，這裡就不多講啦，總之一定好睇過最近拍果套就是了！
畫面方面: 修復得絕對唔算馬虎，雖然唔係話高清到好似Back To the Future果種質素，但絕對有平時大家星期日睇高清台修復電影的質素的，一定唔係DVD求其UP上去，如果Back To the Future 係100分，佢絕對有85分，比唔落手果15分，我相信係當初拍果部機的質素問題而己
聲效方面，槍聲好正，試機一流，喜歡打槍的朋友應該會好滿足，唔知係咪我問題，定真係好多師兄所講因為dts HD的關系，人聲偏細，我要係AMP度推番高人聲先平衡到！
總結: 咁的價錢，咁的質素，有賺的了，加上哥哥的風彩，你又點可以唔買呢，而且香港電影的修復工業係好值得支持的，如果你都係港產片或哥哥迷，快快入手珍藏吧！
注: 截圖畫面來自相機拍攝的24″電腦Mon畫面而己，僅供參考用！
歡迎進入我們的影音玩樂討論區發表意見.
http://www.post76.com/discuss/viewthread.php?tid=124072&extra=page%3D1
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
