終於都上畫了, 等左四年, 每每都係科林上睇有關TDKR的新POST, 新海報, 新預告片, 新造型, 一值得非常期待, 香港正式上畫時間係2012年7月19日, 雖然小瑟冇癲到請假去睇早場, 不過都買了第一晚的9:30場口, 係圓方THE GRAND CINEMA既11號院入場欣賞.老實講, 圓方11院小瑟的確唔係咁想再去, 雖然佢一樣有震凳, 不過因為幕高, 位低, 睇戲要[ 惡 ]高個頭睇先睇到, 唔多舒服, 不過如果成個人[ I ]後係個椅上, 都仲叫做OK既!!!!
好, 講返套戲~~~
導演Christopher Nolan的確係一位不可多得的天才, 試問有邊位導演可以將一個已經出現左咁多年, 又漫畫, 又電視, 又拍過幾部叫好叫座既電影中的漫畫英雄, 將佢拍出自己強烈的個人風格之餘, 更可以將原著既精髓加以深入咁發揚光大既呢?? Christopher Nolan做到了, 而佢拍既電影, 不難可以見到成班演員(除了主角幾個之外), 其實都係同一組班底, 明顯見到佢除左打造出一個新的Batman之外, 更加打造了一個強勁既幕前幕後既班底, 今次睇TDKR, 見到佢成班演員基本上係同《Inception (潛行兇間》都係同一班人來, 呢個就係Christopher既一個黃金組合來呢!!!!
Batman
今集BATMAN上裝後, 出場既場口唔算好多, 但到左第三集了, BATMAN出場時, 小瑟的頭皮依然有毛管棟既感覺, 果陣震撼, 震奮, 依然不減, 尤其係佢第一場出現, 成班警察追佢轉入死胡同之後, Batwing出場既一刻, 除左圓方既震凳帶來比小瑟無限衝擊之外, BATMAN果份氣勢, 真係好耐都冇係電影中可以感受到了, 不過唔知係咪今集既Bane唔夠上集Joker咁狼死, 又或者好似今集Bane太強了, 一開始已經隻抽KO左BATMAN, 咁變左好似就冇左上集Joke迫到BATMAN想死想死咁, 同埋今次唔知係咪因為多左日頭埋牙場口, 今集BATMAN冇之前咁型, 套戰衣比較花巧位睇得太清楚, 小左一份獨有之神秘感呢, 但主角始終都係主角, 型同勁, 始終都係佢先做得到!!!!
Catwoman
今集 Catwoman 由 Anne Hathaway 擔綱, 小瑟由走佬俏公主已經開始有睇佢既戲, 雖然唔算係迷, 不過都係好欣賞佢果隻, 而 Catwoman一角, 小瑟更加一路以來都可以算係至愛, 由第一代米雪飛花既Catwoman, 到依家呢代(中間果個Halle Berry小瑟到依家都唔覺得佢算係………SORRY), 佢地二個件戰衣都比到人一份神秘, 性感, 泠艷, 高傲. 導演仲要安排佢渣住架 Bat-Pod 周圍飛, 形容佢只有 [優美] 二個字, 而另外係結尾時, Batman要獨自將個炸彈帶出大海, Catwoman 同Batman Kiss果下……………wow. 英雄的浪漫, 呢一刻真係好激動, 好感動呢!!!! @.@
Christopher既戲有一度好好的, 佢唔會兜口兜面話比你知果個係Catwoman, 更加唔會因為人人都知係佢Catwoman而係專登將佢同貓放埋一起, 今集呢個 Catwoman 可以話係完全同Cat係冇關的, 因為無論係Batman又好, Catwoman都好, 係佢地既世界上佢地只係一個形象, 戲中 Bruce都成日講到, Batman 可以係其他人, 唔一定要係 Bruce 自己…………….COOL……! 今集有人覺得Catwoman 戲份可有可無, 但在小瑟心目中, 好彩有佢係度, 如果唔係好多位都唔會有睇頭左同埋佢一出現就會有另人期待的感覺, 因為一個亦正亦邪, 又比人估唔到既角色, 永遠都係最引人入勝, 最另人引頸以待, 情況就好似龍珠內既比達, 亦正亦邪, 永遠都係”型”的化身!!!!!^_^
Bane
之前一路都唔知係邊個做, 不過睇睇下, 先發覺原來係 Tom Hardy, 比人在 Inception 中的戲份, 另小瑟印象深刻, 而睇返之後既文章先知道, 原來佢為左拍TDKR, 專登增多 30磅以應付角色, 老實講, 一開頭我都諗緊呢個人究竟有咩咁勁, 但開場冇耐, 佢劫機果段既兇殘, 再加埋佢電磁發聲器既聲, 真係另人有一種不寒而懍既感覺, 但唔知係咪因為佢太大隻, 又感覺唔夠心計, 唔夠癲, 而因為上集Joker真係太勁了, 相比起佢比到Batman既壓迫力又冇咁勁(因為佢一早都KO左Batman了), 所以就只係覺得佢好打而無腦既感覺.
總結
今次睇呢套 The Dark Knight Rises, 絕對可以講話係年度大作來架勒, 你話佢同第二集冇得比咩? 小瑟又唔係咁覺得, 起碼佢有一個另人非常深刻既結局, 而個結局你係一定唔會忘記的, 同埋最後既15分鐘內, 整個情節係一反再反, 反高潮位接二連三咁出現, 好多戲中之前一路慢慢交代緊既野, 係最後15分鐘逐一出台, 咁都未算, 係最後5分鐘仲整多個高潮位比大家, 之後再係最尾30秒反多一野, 整多個反高潮你嘆, 勢要令到大家係最後15分鐘內, 一世難忘, 好野, Christopher你真係好野. 如果廣告話呢套係蝙蝠俠三部曲, 小瑟反而會覺得頭三集原來先係蝙蝠俠系列中的前傳, 如果平時D戲, 大家都可能會覺得導演呃集數, 不過小瑟非常之願意同樂意, 睇到 Christopher係Batman系統上, 一路咁呃小瑟錢, 一路咁拍下去呢!!!!!!
係網路上, 搵左好多 TDKR既資料, 當中搵到以下呢個BLOG, 寫得非常之好, 非常好睇, 介紹比大家!!!!
餓蠹堂
蝙蝠俠 – 夜神起義 The Dark Knight Rises (2012)
http://edutang.mysinablog.com/index.php?op=ViewArticle&articleId=3652018
>
另外MOVIE 電影討論區中仲有不少討論係有關TDKR的, 如果大家都想睇下大家未睇TDKR前的討論, 不妨入來瀏覽一下啦!!!^_^
《蝙蝠俠—夜神起義 The Dark Knight Rises》- 影評討論區(含劇情)
http://www.post76.com/discuss/viewthread.php?tid=125572
[討論] 《蝙蝠俠—夜神起義》有需要看IMAX版嗎？
http://www.post76.com/discuss/viewthread.php?tid=123484
[外國] The Dark Knight Rises(如果你想睇預告同大量資訊請入呢度!)
http://www.post76.com/discuss/viewthread.php?tid=78490
[外國] The Dark Knight Rises《蝙蝠俠：夜神起義》#已開始預售!
http://www.post76.com/discuss/viewthread.php?tid=39679
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
