近日睇娛樂雜誌成日聽到＂王梓軒＂呢個名字同家燕姐既乖女放埋一齊。但唔知大家知唔知，其實佢係資深音樂人＂趙增熹＂所栽培出來。2009 年出道時，被受眾多樂壇前輩賞識，更有新人皇既稱號。如果對現今樂壇有留意既樂迷，應該會知道梓軒係作曲、填詞及各樣樂器，都無一不精、無一不通曉。亦都因為佢對音樂既堅持，正好有一機遇聯系左一次與 Post76 合作既不可能 …
過往，好多人會認為 HiFi 網對音樂非常有要求，所聽既歌唔係 HiFi 碟唔會聽，唔係經典靚聲老歌大碟唔會買。所以唱片公司會以不同既高質格式 CD 版本，不斷翻出、再出 ~ 黃金年代既歌曲，但可能佢地忽略左最重要仲係歌曲本身、歌手及幕後音樂人先係真正重點靈魂。其實，不論新人或資深歌手，只要佢地用心制作，一眾 HiFi 歌迷係知到既、係會感受得到既、更加係會自掏腰包去買碟既。Post76 這兩年亦默默推動及分享＂真音樂＂既重要性，不論典堂級歌手，或是只以 Youtube 引來大家留意既新進歌手，只要用心用力對待音樂，我地就會支持、就會推介比版友。
＂王梓軒＂正正就是其中一位現今香港有心有力既全能音樂人。早前，梓軒同佢既唱片公司 OMF Music 就為王梓軒首張國語專輯 《Rising》舉辦左一整天既試聽會，記住係【試聽會】!!! 新碟、新歌推出，今次梓軒放棄慣常以派台歌宣傳大碟既做法，反而特別係尖沙咀美麗華酒店搞一日多場【試聽會】，邀請全港音樂 Blogger、音樂人、音樂網、音樂媒體、電台音樂節目 DJ 等，希望出席活動對音樂有要求既一眾，可以深入瞭解王梓軒新專輯既創作靈感、背後理念、灌錄過程既每一個細緻點滴。
亦都係呢個【試聽會】概念正正就係 Post76 辦得最多最有經驗既一環，所以因而被梓軒邀請我地參予及協辦一次不一樣既 … 【王梓軒《Rising》試聽會】
我地更加得到英國著名喇叭品牌 KEF 及 Arcam 音響器材全力支持，協助搞一次有質素既【試聽會】比支持梓軒音樂既大家。
當日活動選用英國著名品牌 KEF R900 前置揚聲器。
唱盤則用上同樣來自英國既 Arcam CD37 及 Arcam A38 兩聲道擴音機。
活動位於尖沙咀的麗華酒店 3 樓的宴會廳內舉行。
於活動前，凡是講求認真、細緻既王梓軒先與 Post76 及 KEF 工作人員講介今次每一個細節既要求，當中包括揚聲器既音量、擺放位置以及嘉賓的出場次序等等。
力求完美既梓軒於場地多個位置試聽專輯播放效果，以確保重播時質素，
希望入場每位愛佢音樂既音樂人，同樣享受到最佳音質。從這小節可見，梓軒對 「Rising」專輯態度與熱誠既必然結果。
現場亦安排左梓軒大碟內相關資料及多首 MV 分享，當中既 MV 概念其實都頗有趣!! 當然，我地亦把握左今次機會，於會前由 wil 總都同梓軒做左一個簡短既專訪 …
w = wil-wil J = 王梓軒 (Jonathan)
w: 梓軒，先預祝你首張國語專輯 《Rising》大賣，今日試聽會成功!
J: 多謝你先，亦多謝 Post76 影音玩樂網今次全力支持及同樣多謝 KEF 幫手!!
如果唔係，今日試聽會一定出唔到咁正既效果!
w: 唔好客氣! Post76 同我地既版友都一定支持有心有 Heart，好似你一樣既既音樂人。
梓軒，點解今次會係酒店搞多場既試聽會，而唔係邀請記者出席一場大碟發佈會就算?
以我所知，被邀請既全部都係音樂 Blogger、音樂人、音樂網、音樂媒體、電台主持音樂節目 DJ 等!
J: 選擇以酒店宴會廳作試聽會舉辦場地，而且仲要搞多場比不同類形與音樂有關既人試聽，係希望大家可以
完全集中係自己新專輯上既音樂，多一個交流既機會，唔想單向性記招活動或派台歌既形式發佈。咁樣
可以更直接知到大家對新作既意見之餘，亦可以講解清楚製作背後概念、故事，甚至可以邀請埋有份參予
制作既好朋交流一下。
w: 剛才見你試播幾條既 MV 都好特別同好有真實感覺，概念如何? 有否收錄到大碟內?
J: MV 多數以＂快閃＂形式作拍攝，事前沒有申請，所以難度極高，好彩場地既管利員不但無留難，反而
好幫手，加上各方配合順利，每個境頭都好快拍好，未至做成阻街。另外，MV 只會以＂病毒形式＂作
網上流傳，咁樣可以有更加多人認識到自己音樂，所以不會以任何形式作發行。其實等陣活動中，會有
更詳盡既解說，到時你會知到更多歌曲背後好有趣既故事。
w: 咁一陣我一定要更加留心!! 其實 Post76 影音玩樂網係一個尊重音樂、尊重製作人既網站，我地都會
不時搞好多分享會、新碟試聽會比我地既版友。唔知有無機會請到你好似今日活動一樣分享你既音樂?
J: 當然可以!! 希望不久既將來，可以同 Post76 版友來一次零距離的交流!
w: 再一次預祝你今日活動可以達至你預期既效果!
J: 多謝!!
距離第一場試聽會正式開始尚餘半個多小時，部份熱情既 Blogger 及粉絲已急不及待地在門前守候，希望可以快人一步，第一時間一睹偶像的風采。
在好奇心驅使下，曾向幾位 Blogger 了解，短暫交流了有關他們情迷梓軒音樂的原因。在交談間，不難發現年輕一輩 Blogger 多數都是仰慕梓軒對音樂的天份以及在小時候已建立的驕人音樂成就。據知，王梓軒在 6 歲是已學會小提琴和鋼琴，在高中時，他更因為表現出色，成為美國波士頓米爾頓中學 (Milton Academy) 兩世紀以來，第一位獲得舞蹈藝術殊榮的華人學生。
近年，迴流香港後既王梓軒，積極發展佢個人歌唱事業，以往除推出過美張粵、國、英語專輯《超越聲音 CD + DVD》，之後亦有《超越東西 SpectrumCD + DVD》及《超越格式CD+DVD》。 2011 年，更推出首張日語單曲大碟《君は薔薇より美し》，盡展其多方面音樂和語言天賦。剛於 2012 年 6 月 18 日發刊既國語專輯《Rising》收錄 7 首歌曲 :
- Your Song
- La La La
- 兩人三腳
- 我以為
- 世界拆散我們
- 說時遲
- 幾米的距離
個人自問對王梓軒的歌曲不太瞭解，所以在試聽 《Rising》呢張專輯過程中，感覺特別來得深。從表面看，王梓軒長居海外留學，深受西方音樂影響，曲風和創作意念應該會比較 「來路」 (模仿西方風格)，可是當我細心聆聽，我發現他的歌詞以及曲風可能比本地歌首手更地道。
活動一開始，梓軒就現身分享佢第 4 張專輯:「這一兩年間，世界發生很多大事，令自己對很多事情改觀。呢 d 大事也令我得到很多新刺激、新思維。之前幾張專輯既製作班底相當類似。呢一次就同好多音樂人合作，例如 Eric Kwok、Edward Chan、陳台證、小寒、周耀輝和師父趙增熹等。有d 更加係首次合作。大家透過互相交流，合成一股強大既力量，希望樂迷可以感受到我的提升，希望大家都『rising』，亦都係今次大碟名稱既由來。」
正如之前所講，世界發生很多大事，所以梓軒第一首主打歌《Your Song》想傳遞一種【正能量】訊息比大家 …
梓軒:「為了呢首歌，我地拍既片段訪問左好多人，尋找生活中既能量。我發現，無論係甚麼階層既人，其實都可以找到心中高歌既原因，都可以找到方法去滿足。另外，造音樂唔只純粹想唱歌、搞製作，更希望可以跟樂迷直接見面，直接交流。所以嘗試同 YWCA 女青年會會員一齊演繹，也試過去左大約 10 個地方，玩快閃舞。希望可以為大家的生活，帶來一種正能量。」
另外，《Your Song》之所以能夠成為主打歌，背後其實有一段很戲劇性的故事 …
起源是王梓軒的音樂顧問莫文蔚一直極力提議王梓軒應為自己的演唱會尋覓一首有代表性既主題曲，不論自己編一首出來也好、借一首返來也好，總之就是要為自己找一首有代表性的主題曲。
點知，梓軒千挑細選後既 「主題曲」 ，竟然係自己多年前為 「大軒」 (張敬軒) 所作既一首舊曲。幾經轉接以及得到大軒既友情相助，終於得到對方唱片公司的特許，失而復得地收回《Your Song》。
第 2 首歌《La La La》，梓軒表示係一首非常 band sound 既作品，都幾有 funky 味道。當創作呢首歌時，遇到一 d 唔如意既事好唔開心。後來突然想到，原來能夠抱著一個輕鬆但執著既心態好重要。或者我地無需起哄，遇到不好的事可以當別人唱歌就算。好似監製 Edward Chan，表面上是很隨和的一個人，但我能感覺到他心中的一團火。
第 3 首歌《兩人三腳》係方大同既作品。梓軒透露自己從方大同初出道推出第一張大碟時，已經視對方為偶像。佢既騷靈音樂可以玩得咁出色，仲創出潮流之餘，牽動到其他人，包括自己到另一個全新的領域，真厲害。而寫詞的既小寒老師，表達出非常甜蜜既感覺。
第 4 首歌《我以為》就係張敬軒填詞既作品。能夠引導我唱出新觀點、新方向的，除了方大同之外，還只有張敬軒。我同大軒分享左一個故事後，佢寫就左呢首非常有感染力既作品。這首歌原唱係莫文蔚既《太多太多》，當時佢快推出《寶貝》廣東專輯，仲差兩首歌。佢聽過我既 demo 後，就選左呢首歌。好感激她挑呢首，亦係我既 favourite song。呢次翻唱希望能夠唱出不一樣既感覺。
今次梓軒首張國語專輯合作名單中，仲有一位響當當既名字 ~ Eric Kwok。梓軒話係自己專誠搵 Eric Kwok 出手，結果就寫左專輯內第 5 首《世界拆散我們》。當收到歌曲一聽，覺得唔只好聽咁簡單，仲覺得曲風好有特色。Eric Kwok 有好多出色既大調作品，但呢次合作既悲情歌，儘管 Demo 只有鋼琴一件樂器伴奏，已經足以令梓軒聽到時感動到想咸!!
第 6 首歌《說時遲》係首廣東歌，相信很多樂迷已經有很深的認識。原來梓軒創作呢支歌時，正值 311 日本地震。地震令當時正在身在日本既梓軒，看到災後市民既心情，令自己有很多感觸。有好多香港人，好多時候都會有好重既負面情緒。失戀了，就好似世界末日一樣，或者一定有一方犯左天大既錯誤。我就唔多同意，我認為一段感情，一定會有美好既回憶可以好好記住。有時如果因為未學懂珍惜時間，錯過左一 d 人或事既話，下一次會否學會珍惜呢? 希望會!! 呢首歌加入笛子及日本傳統樂器三味線，感覺色彩豐富。
最後一首《幾米的距離》，是重新錄製的作品。梓軒表示，時間對歌手來講，係好有趣既東西。每一次唱歌、表演都有時間作見證。這次 vocal (人聲) 是重錄的，再加上重新 remastering，希望帶有耳目一新的感覺。
當晚有多位嘉賓上台發言，當中包括資深音樂製作人陳台證先生。被問到同唔同監製合作有甚麼特別地方，梓軒笑言，不同監製有不同的要求，例如陳台證建議我以輕力來唱歌，儘管高音也好，這樣有助抒情感覺更加突出。大軒喜歡我唱到激昂之處，繼續使用真音，盡量保留如抖音等技巧，希望可以帶出真正的王梓軒聲音特色，唱出真正既王梓軒。其實可以同到不同監製合作好有著數。至於問到最具挑戰性既歌，梓軒認為《我以為》。因為好習慣唱 R&B 歌曲，乘著波浪有感情起伏，但呢首歌感覺好安靜。每一個咬字，每一下呼吸聲，都係到表達歌曲感覺，每分每秒都要表達。
試聽會包括分享環節，大家可以盡情講述對大碟感受。總括來說，筆者認為王梓軒的曲目不單兼顧了年輕聽眾都愛情流行曲的熱愛，而且更細心地加入數首極富 「正能量」 的曲目如《La La La》及《Your Song》既勵志曲目，為這個充滿負面能量的社會帶來了唔少色彩。此外，王梓軒對樂迷既親切以及待人以禮既態度，都係年輕一代應多多學習既重要一環。
歡迎進入我們的影音玩樂討論區發表意見.
http://www.post76.com/discuss/viewthread.php?tid=122808
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
