沙格畢朗高漢－一個近年冒起甚快既笑星。之前既波叔波兒等大買。但係當時年少無知既SonSon ，眼見沙格既宣傳海報打扮camcam哋，就即時判斷唔係心目中杯茶，連DVD都冇睇呢 。
但自從爆谷場開幕，睇戲方便咗，同樣睇trailer亦多咗，就係咁樣首次接觸到沙格畢朗高漢，亦因為當中trailer而吸引咗SonSon入場觀看｛大鈍裁者｝。
整個故事較簡單，話說沙格畢朗高漢飾演一名意外被奸臣謀害，因而流落美國街頭的瘋狂中東獨裁者。就係咁一代狂人，身無分文，身處民主見稱既美國，點樣引發衝突笑料，如何可奪回權力回國等……………………
成套片不足九十分鐘，但沙格由頭帶到尾，十足當年占基利，分別只係身體動作語言冇咁誇張 。既然無用手手腳腳吸引人，對白及場景構思自然要花Ｄ心思，玩政治、姓別衝突、文化差異、重有少少咸等，係呢方便相信冇令大家失望，戲院內笑聲此起彼落已比到大家答案。其中店舖接生及誤闖反對者餐廳一幕均令人噴飯 ，唯一有點可惜係尾段舖排較平實，缺少咗去盡Ｄ既感覺。
總括而言，原來一條好既trailer真係可以吸引觀眾入場，如果唔係有機會睇到，真係會錯過一套令人輕輕鬆鬆渡過過半小時既電影呢，睇完未必有得著，但相信都唔會Dump心既 ………………..
P.S.入場觀看記得留意＂美瑾霍絲＂出場，好羨慕沙格咁對佢呢 。
歡迎進入我們的影音玩樂討論區發表意見.
http://www.post76.com/discuss/viewthread.php?tid=120735
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
