第一集大收旺場，有續集自然少不免。呢次除咗延續第一集成功之處外，更加落重藥，慕求打造福爾摩斯係武功高強，能人所不能。華生則為靚仔書生出生入死，使 到一套初以為要用腦既鬥智鬥力偵探片，變成一套笑料加連場動作既娛樂片王。所以雖然故事係延續上集結尾，但若果無睇過上集（其實SonSon都不太記得上 集結尾如何
）既亦其無損可觀性。
普通版除咗有紙套包裝外，內裡非常簡約呢。
藍光影碟另一工能係同Ipad有即時互動功能（但SonSon唔係食蘋果大，所以無緣一試
）
上集令福爾摩斯又愛又恨既靚女Rachel McAdams再度出場，但可惜戲份少得可憐
。
雖然畫面不是心目中杯茶，但基本水準仍有呢。
續集在推理部份相對比第一集為少，但是搞笑部份則過之而無不及，絕對可用噴飯嚟形容
。
中段火車上連場槍戰＋動作＋搞笑＋劇情巧妙設計。計算掌握準確，相信只有荷里活先有本事運用自如
。
森林逃亡一幕，再度用上慢動作演繹，加上炮火滿天，將影像迫力及音效推至另一層次，小心比人投訴
。
福爾摩斯獨有之第六感預知，每次均為先發制人化險為夷，但呢次就遇上強勁對手
。
觀後感：
經過第一集的成功經驗，導演今次將福爾摩斯打造成一個能文能武既冒險家。其實與第一集比較，查案偵探成已微乎其微，亦沒有任何分析罪犯犯案手法等既橋段。 取而代之係劇情既緊張又刺激，充滿古典氣息的倫敦場景，精彩的視覺特技場面，槍林彈雨加上慢動作鏡頭演繹。在娛樂性方面絕對勝於上集，上集中演繹既高速慢 鏡動作，到第二集變本加厲，部份場景亦覺得稍為過火，雖則過往亦有動作片使用（最記得係廿二世紀殺人網絡），但森林逃亡一場，個人絕對認為係當中佼佼者。 如果追求視覺上既官能刺激多過享受鬥智鬥力既偵探辦案，｛神探福爾摩斯：詭影遊戲｝絕對可列入閣下其中之一收藏。
雖然畫面質素未達個人要求，但音效方便就有多場試機位，當中眾多槍戰追逐均可考驗家中低音能力。由其森林逃亡一幕，甚有幾分似｛末世天書｝，喜歡被低音轟炸既一定唔可以錯過。
不過，不得不提既係結局一段，相對之前密集式進攻，期望有更大型既動作場面來臨，反而覺得較平淡，未能將高潮延續下去，實帶少少暇疵，美中不足。
>
歡迎進入我們的影音玩樂討論區發表意見.
http://www.post76.com/discuss/viewthread.php?tid=119652&extra=page%3D1
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
