出呢個報導比大家睇時, 其實小瑟已經換左好多野了, 不過既然換機時又影左D相, 不妨又同大家分享一下呢!! 好, 講返正題, 話說上次試完左Pioneer LX85之後, 已經講明好想試埋 Onkyo 呢部全旺角都冇貨既 5509純前級, 希望可以一試係家中既效果係如何, 但等呀等, 等呀等, 等左好耐都仲未有消息幾時可以借到機…….小瑟最終都係等唔切, 直接買左部5509返來玩, 事關其實要試佢都真係試過好多次, 佢係龍係鳳都心中有數, 當然佢既XLR平衡輸出絕對係另小瑟投入其懷抱既最大原因之一呢!!!
廢話小講, 開箱先.^^”
部機真係好重……………………….不過搬出黎, 四四方方, 好似粒糖咁!!!
開埋個糖紙袋先!!
呢一代係咪型仔左??? 我個人覺得佢呢個大變我非常接受, 而且對小瑟來講, 非常討好呢~~~^^”
例牌LOGO係哂度, 就黎排到成行都滿哂~XDDDD
雙 HDMI, 呢個對好多玩投投既朋友來講都係一個幾重要既一環…….唔知小瑟幾時可以玩投投呢??? 應該係…………………….出到 5519 時應該都可以~~XDDDDDD
鍍金端子唔洗講野啦!!!!
新機落地, 當然唔小得同佢帶返哂D套套先啦, 香港天氣潮濕呀!!!!!!^.^
當套到去 PHONO 同 CD 既位置時, 小瑟發現呢二個 RCA 既插位係有小小特別的, 金屬既接觸點係比一般既 RCA 位多D 的, 最入既內圈位, 個插頭係可以直接接觸到的, 相信係廠方對聽歌方面落既小小心思呢!!!!
好耐未玩過AUTO SET, 就試下佢先!!!
SETUP 完既圖不同之前 5507 好唔同, 畫面靚仔左好多, 好有新鮮感呢~~~~^.^
接駁好之後, 就囉左以下二套片來試試, 出事了, 當試完之後, 呢次真係決心換走五隻美國 BLUE SKY 喇叭, 因為小瑟呢次真係認命, 五隻喇叭真係已經到達左頂峰, 就算我換哂任何野, 都冇可能再有任何提升了, 所以就出現左討論區上的 “呢單野, 仲激過食神歸位……(KEF XQ系)” 及 “奉勸大家一次過……..真係好辛苦(地櫃終於都入宮了!!)” 呢二個 POST 的討論呢!!!!^^”
個人感覺
在 PR-SC5509 作前處理器的效果下, 小瑟會覺得 5509 同 ONKYO 之前的 5508 或 5507 分別都幾大, 起碼聲底上, 新呢代係作出左唔小既改進, 就好似之前ONKYO聲底係慢同厚聲, 音效仔細度同定位度始終冇其他的品牌做得咁 “出” 的, 但今次呢代真係有小小唔同, DETAIL 同定位處理明顯左好左唔小, 感覺猶如 P記 及Y就既表兄弟咁, 集埋其他品牌既小精髓, 不過當然就唔係十足十咁樣啦, 但聽落會明顯感覺到聲音既走位, 係之前 5507 既處理上係點都冇可能做到架勒, 而聲效中的 DETAIL 明顯聽多左好多野, 定位之仔細都比前代聽得更清楚分明. 可能大家會問, 5509會唔會因為咁反而會冇左 ONKYO 一貫耍家的劇院式氣氛呢??? 大家可以放心, 呢點絕對唔會, 呢代既改進明顯係想修補前代係聲音結像本身既立體感及定位模糊的不足呢!!
TANGLED小瑟都係聽中間歌舞果段, 小瑟反覆試左好幾次, 音質效果同定位包圍感都有好明顯的進步, 但當然大家唔好諗住會係 P就機的那份 “清楚地聽得出佢係邊個位飛去邊個位果重數得出的DETAIL”, 所以我之前話呢代既 PR-SC5509 係 P 記同 Y 記既表兄弟就係咁解, 因為依家既 5509 就好似集左各家之優點再溶入自己既傳統中一樣, 而片中既環境既細微效果聲係呢代佢亦都有所交代, 效果算係幾岩口味的.
再試老變三港版空軍跳傘果段, 空軍們由飛機上跳下果野的陣陣低頻, 打到小瑟心口有一陣陣的刺痛, 心跳加速(因為怕真係比人投訴XDD), 而飛機由上而下”趙”落黎果野, 小瑟頭頂直頭就好似有架飛機一野穿身而過, 再插返出畫面內, 非常過引, 小瑟唯一覺得ONKYO KEEP住既就係低頻既厚度, 到呢代都沒什改變, 而音色既圓潤亦都始終如一, 加上純前級可以獨立處理解碼同視頻訊號處理, 同埋廠方依然都係用環牛作電源處理, 而 5009 內置三組獨立環牛, 分別處理返電源, 視頻同音訊, 咁當然係比單一環牛更能減低互相干擾, 出到更乾淨既聲畫既效果呢~~~^^”
總結:
在眾多品牌中既頂級機當中, ONKYO依然係以極高性價比來取悅大家, 呢點係5509上就絕對可以睇得出呢, 呢代既進步, 我相信係市場上好多朋友都已經係家中可以感受到, 如果唔係, 點會到依家都仲係一機難求呢????
小瑟試過各品牌既旗艦機, 最後都係選擇返 ONKYO 作為家中利器, 原因其實有好幾個, 例如C/P值去到呢個旗艦位置都依然係十分高企, 正常來說, 以同樣既入手價錢, 好多品牌都只係可以買到”老二”級或更什既級數, 而功能上佢亦都非常充足, 如果小瑟唔係貪心或貪新鮮既(當然如果比我執到超筍機除外XDDD), 相信呢部5509都夠小瑟玩二年以上, 因為小瑟估計, 5509之後, 2013年廠方應該都唔會再出到新款機種, 因為日本地震同泰國水災之後, 電子零件既貨源都非常緊張, 呢一二年好多品牌都應該未必可以再出到新代產品了, 係呢個情況下, 呢部 5509 係C/P值咁高既情況下, 二手市場都應該唔會有咩閃失, 所以最終小瑟都係決定………..重投ONKYO懷抱啦……..^^”
- THX® Ultra2 Plus™認證
- 用於新環繞聲道的DTS Neo:X™, Audyssey DSX™及Dolby® Pro Logic® IIz (杜比定向邏輯IIz)
- 通過Marvell Qdeo™技術實現HDMI視頻上調轉換至4K
- 高品質HQV® Vida™ VHD1900視頻處理器
- 用於房間音量較正的Audyssey MultEQ™ XT32
- ISF (影像科學協會) 視頻校正功能提供完美影像效果
- 巨型變壓器及分別用於音/視頻處理的2個分離變壓器
- 所有聲道均採用先進TI Burr-Brown 192 kHz/32-Bit DACs (PCM1795 x 6)
- 高級 32 bit 處理 DSP 晶片
- 雙功放能力
- 抗震的鋁製獨立面板設計
- HDMI®支援3D, 音頻回傳通道, Dolby TrueHD, DTS-HD Master Audio, DVD-Audio, Super Audio CD, 多聲道PCM
- 8組HDMI輸入(1前7後)及2組輸出
- 兩組USB端子; 兼容UWF-1無線網絡連接器 (通過前面板USB端子)
- iPod/iPhone可透過前置USB端子作直通數碼傳輸
- 通過 iPod / iPhone 及 Android 電話利用 Onkyo 遙控應用程式控制影音擴音機
- 透過 vTuner, AUPEO! 實現互聯網廣播及音樂串流連通性
- Windows 7 及 DLNA 1.5 版本認證
- 用作音 / 視頻播放分配不同房間的2/3區域和超重低音前置輸出, 及2區域視頻輸出
- HDMI 鍍金端子 (2輸入1輸出)
- 9.2 聲道平衡式線路電平XLR鍍金前置輸出 (帶前置雙功放功能)
- 鍍金 2 聲道平衡式XLR音頻輸入
- WxHxD: 435 x 198.5 x 453.5 mm
- Weight: 14.0kg
- 建議零售價: HKD$19800
歡迎進入我們的影音玩樂討論區發表意見.
http://www.post76.com/discuss/viewthread.php?tid=114069
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
