早排行過 D 大電器店, 比好多部林林種種既大電視吸引住, 攪到好想換左屋企部 TV 佢, 不過始終部機都玩左二年唔夠, 又岩岩大出血換哂成套 AV 架生, 所以換 TV 呢個舉動就比中央急停左……..>.<
心魔作祟
不過心中想提升畫質呢隻 “魔鬼” 始終都係陰魂不散, 成日係小瑟心中徘徊, 於是小瑟就約左當年研發出 Ortofon 電源線 的西門師父食飯, 難得有機會, 小瑟當然就向佢請教一下, 依家有咩平靚正既電源線, 可以打低當年以畫汁出眾見稱既 Ortofon 鍍銀線呢?? 西門師父好快就介紹左呢線Furutech FP-314Ag-II 比小瑟, 小瑟從來都未用過古河線材的, 聽就成日聽, 就係覺得佢都幾貴, 所以一路都未有機會用過, 細問之下, 價錢竟然係 HKD$500 蚊樓下就可以落樓, 價錢絕對吸引, 既然係咁, 小瑟就毫不客氣地叫西門師父, 幫手整條比小瑟玩下, 不過小瑟今次一不做, 二不休, 反正都唔係貴, 所以就希望師父可以再下一城 , 同呢條線再谷 “行” DD , 希望可以再三提升條線既質數 , 叫西門師父為小瑟加埋對靚仔 D 既古河頭尾插, 實行來個原裝正牌玩古河勒!!!!XDDDDDD
就係咁, 大家今日就見到呢條, 就係正宗全古河制電源線係大家面前出現呢。 西門師父藝術家一般的手工…….小瑟只可以講，＂實在太正＂勒，超感動呀。而係呢個增加左十倍界王拳之後（加埋古河頭尾插），條線埋單都只係八舊幾，抵玩到呢 ………………^.^
成品規格:
Furutech FP-314Ag-II (線材) + Furutech FI-15ME (美式頭插) + Furutech FI-15E (IEC 尾插)
藝術品??
因為條線真係做得好靚 , 欣賞價值比 iPhone 4 有異曲同工之妙, 成件藝術品咁, 而小瑟拿上手時, 線身既質感有磨沙感, 幾 “墮” 手下, 所以小瑟都按捺唔住要囉返陳年冇用既攝影棚出黎, 打返個靚燈, 同大家影返張寫真先啦, 等大家都可以好似小瑟咁, 近距離欣賞到古河既造工同西門師父既手藝呢~~~~
古河即係古河, 睇佢 D 頭既鍍金位置真係做得好靚, 唔怪之得 D 頭賣得咁貴!!!!!!!^.^
大家之前睇小瑟係咪講得好誇張, 什麼藝術品又剩, 真係唔係講小, 其他野小瑟唔講, 淨係講西門師父對造線之要求, 絕不會比市面上專門造線的店舖要求低, 佢講究到就算係頭尾插既鏍絲位, 都唔可以比枝批 “扭” 傷架喎, 所以成條線基本上四個鏍絲位都唔會見到有”花” 既痕跡, 而內部既線材, 師父成日同我講佢會好小既力去上緊佢, 去到只係要岩岩上緊左電線與接口既力度就會收手, 原因又係怕傷到線材本身, 佢話線材接口一花, 對整體既質素都有一定既損耗.
你話小瑟有咩理由唔對西門師父作出致敬先得架?? 就連上鏍絲呢個咁簡單既工序, 都講究到呢個程度, 仲有咩好挑剔先得架!!!!!@@
好多人都對古河究竟係日本定係台灣既出身有好多唔同既講法, 不過照我話, “英雄莫問出處” 最緊要係出到好品質, 邊度出又有咩所謂呢!!!
據西門師父口述, 呢對古河 Furutech FI-15ME (美式頭插) + Furutech FI-15E (IEC 尾插)鍍金頭尾插都有加上古河高階配件先會用到既 Alpha 導體, Alpha 導體以往只有高階配件先會用到, 依家下放技術到呢對頭尾插上, 所以絕對係值得入手的呢. 而導體全部用上無磁鍍銀 24K 鍍金, 呢個配合既設計, 就係希望可以中和返銀線先天聲底較薄既問題, 令音汁可以有返肉地, 低頻加返厚小小.
眾所周知, 電源線如果有 “銀” 呢個成份, 對畫質絕對有非常之正面既幫助的, 尤其係對比度同立體感, 提升都非常明顯的, 而當年 Ortofon之所以能夠對畫質有著正面的影響, 都係因為 “銀” 呢個原素, 而呢條在就有 3 股 14AWG (American Wire Gauge) 的導線, 其中地線以 μ-OFC 絞線，而火線跟水線則採用 Alpha-OFC 導體再鍍銀, 睇 Spec 就真係好勁, 不過好多野都係眼睇為準, 耳聽為實的, 數據資料大家當一個參考好了!!!!
測試開始
測試電影就係呢排成日用來校機用既 “功夫熊貓” 港版藍光碟, 點解小瑟話呢排好鍾意試呢後呢??? 因為由亞寶師徒搶包之後, 跟住一路落就係蓋世五俠大戰大砲一段勒, 呢後好多野可以試, 試畫面立體感, 試前後喇叭連貫性啦, 試環繞聲效果啦, 試低頻啦, 通通係哂度, 你話用佢來效機, 係咪好方便先!!!!^_^
器材方面
LCD TV: PHILIPS 42PFL9664H LCD TV
Pre-AMP: ONKYO PR-SC5509
POWER-AMP: Emotiva XPA-5 5 Channel Power Amplifier
BLU-RAY: OPPO BDP-93
MEDIA PLAYER : Popcorn Hour C-200
SPEAKER : KEF XQ10 (FRONT) / KEF XQ50C (CENTER) / KHT-3005SE (SURROUND)
SUBWOOFER: MK SB-12
SPEAKER CABLE(5ch) : Gothem 50025
HDMI CABLE: Qed Performance HDMI
HDMI CABLE: Audioquest HDMI-X
POWER BAR: OYAIDE MTS-6
首先先將 FP-314Ag-II 插入 OPPO BDP-93 藍光機進行測試, 入左 93之後, 顏色既色深比之前好小小, 對比度同立體感都係好小小, 同之前用緊既 O 仔比較, 分別不會大於 10%, 但聲音方面分別就大好多了, 音場層次感同定位都出返好多, 師福兜個圈去搶亞寶既包時既快速定位清晰感都有明顯既分別, 好清楚聽到喇叭音效係由左至右再係後面兜個圈再去返右邊, 而之後亞竇最終跳起搶到包之後果一下低頻既回彈聲, 明顯之前係有深度同低頻圓潤返唔小呢!!! 但對小瑟來講, 呢個改善未係我心目中預期要既野, 因為我已經預備左條 X40比 93 …………………….古SIR, 我要提升既係畫汁呀, 幫幫手啦!!!!!!!!!!!!……….\>.</
之後, 小瑟就好快咁將條 FP-314Ag-II 由 93 蚊返出黎, 再用呢個跟我左好耐既 8字轉換頭, 將 FP-314Ag-II 來一個變身先!!!
話咁快, 小瑟就蚊左LCD TV現時用緊既 O 仔電源線, 換上呢條變左身既 FP-314Ag-II , 可能大家會問, 小瑟, 你整個咁既幾十蚊雞頭, 邊掂架………..呢點我又點會唔知道呢, 因為叫師父做線時做左 IEC , 想一次過可試到比二部玩, 呢個係唯一方法, 試下睇下有冇效果先啦, 如果係條係有料到既, 我當個頭會打左個8折, 如果都WIN O仔既, 夠哂做啦~~~~~~XDDDDDD
好勒, 一插入去, EE~~~~~呢次一開 TV 已經感覺有 D料到, 93個 LOGO好似深沉左喎…….唔知會唔會係心理作用呢……好勒, 睇返熊貓先, 師徒搶包一段, 整個畫面好明顯光左同SHARP左好多, 依家咁睇先知道原來之前係好似有一層野阻礙左個畫面, 依家就完全清返哂勒, 而立體感亦都顯著咁提升左, 成隻熊貓好似”突”左出黎咁, 黑位既 DETAIL即刻可以睇得返哂呀!!! 而五俠戰大砲呢段仲明顯, 因為大砲身上既毛係銀色的, 呢個時候就真係非常之感受到大砲身上既毛髮係一條一條絲咁數得出黎, 而整個畫面雖然係光左, 不過係高光位又唔見到有爆既出現, 只係相對黑位見到既野多左好多顏色對比度亦都因而提升不小, 呢個時間, 小瑟先真正覺得西門師父冇介紹錯, 呢條線絕對可以完全取代小瑟一路用開既 ORTOFON, O仔都係時間退下火線, 做D比較輕便D既工作………..就係去煲飯勒~~~XDDDDDD
小瑟之後用左小小時間, 將換線前後自己覺得最大驚喜既幾個畫面, 做左一個對比同大家分享一下, 當然, 過左鏡就已經唔係現場睇果回事呢, 不過盡哂力, 大家將就下啦~~^^”
*相片: CANON 7D, EF-S 15-85 , 1/3s , f6.3, ISO 200 相片直接以JPG 拍攝再由 PHOTOSHOP CUT 走黑邊及 Resiz 成 1,920 闊度, 再以 JPG 壓縮比 80% 來儲存, 儘可能將畫面對比中的分別減到最低.
下圖為ORTOFON 3900
下圖為Furutech FP-314Ag-II
下圖為ORTOFON 3900
下圖為Furutech FP-314Ag-II
下圖為ORTOFON 3900
下圖為Furutech FP-314Ag-II
經過呢次第一次學人玩古河線之後, 果然呢個品牌係有D料到, 唔怪之得佢D產品一向都係位於高價之列啦, 而呢條 Furutech FP-314Ag-II 用係影像類既器材上, 絕對係有壓倒性驚喜的, 所以, 當大家睇緊呢個分享之後, 小瑟已經拍板決定, 數返條線出黎………………………………………………………..比多三百幾蚊, 搵師父換埋個古河原裝8字頭 Furutech FI-8N Series 先啦~~~~XDDDDDD(大家睇下, 靚仔到呢!!!!!!^.^)
.
歡迎進入我們的影音玩樂討論區發表意見.
http://www.post76.com/discuss/viewthread.php?tid=108641
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
