聲音表現
呢隻碟既聲軌只有二條，一條係 PCM 2.0 音軌，而另一條就只提供 DD5.1舊制式的音軌，由此可見，呢隻碟點解可以用 BD25 去收納哂咁多既內容啦。不過又話分二頭，咁係咪代表唔好聲，聲衰呢?? 當然唔係啦，不過以流行歌手來講，音質的確係比較唔會用太多心機去處理的，但整體來講，呢隻碟既音樂部份，都比好多香港所謂的高清音效演唱會來得清晰，自然，平衡。小瑟就可以將整個演唱會原原本本咁由頭＂聽＂到尾而沒半點耳倦的感覺呢!!!
特別一提
呢隻碟內，值得一提既野真係多，例如碟內既特別收錄，有由 Taylor Swift 一歲開始既成長片段，佢幾時開始收第一件結他禮物，點解會有興趣玩音樂，第一次出席音樂典禮，入錄音室，表演，好多好珍貴既片段都會收錄，如果你都好似小瑟咁，對呢位只有 21 歲，前途無限既公主歌手有興趣的，你絕對要睇埋。
而演唱會中，你又會見到佢既 FANS 竟然大比數係以女仔為主，男仔什小，而佢亦都非常之唔怕 FANS 熱情既＂招待＂，佢會係演唱會中，唱唱下歌係前台，一路行去觀眾席條路 (當然係有一條路比佢行去啦!) 行去觀眾席中心地帶，再去獻唱比大家聽。呢點真係亦小瑟不能相信佢的親切性格係可以如此盡的。難得難得!!
但此碟有一點非常奇怪，就係冇左 POP-UP MENU 功能，即係話我唔可以睇睇下之後按個 POP MENU既制，去叫出選歌單去選歌，如果我要選歌，只可以出返 MAIN MENU 去選，天呀，呢個藍光碟既基本功能，點解可以冇左架??????
我明白到，呢隻碟之所以定價為 HKD$169 蚊，係真係有原因的，不過我絕對唔覺得入錯貨，反而，我非常之高興可以只需要 HKD$16 蚊就可以擁有呢隻藍光演唱會，但如果我加多 10 蚊 可以有埋 POP-UP MENU 的話，呢 10 蚊我絕對會比呢!!!! XDDDD
如果大家聽完呢個分享之後，對 Taylor Swift 既作品都係有D陌生既，唔緊要，小瑟係度向你推介佢幾首勁易上口，勁好聽既歌比大家，希望大家鐘意!!! ︿︿＂
.
歡迎進入我們的影音玩樂討論區發表意見.
http://www.post76.com/discuss/viewthread.php?tid=106218
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
http://www.facebook.com/post76
https://plus.google.com/u/0/118072674924924911355
