上星期同大家分享的＂小瑟獨家專訪＂中，大家都可以已經睇到 阿 Paul 同我地 76 會員們既獨家分享佢創作及製作呢隻 HQCD 時既一點一滴。而今次我地活動既報名人數亦都超出了我們原先定下的 40 人呢個數目，故此，我地相信好多版友及樂迷都好有興趣同好希望當晚係可以有份出席到呢個活動，睇到 阿 Paul 對佢既新大碟既分享。
所以我地事不宜遲，我地一於同大家一同去睇返當晚活動既精彩過程及活動之後 阿 Paul 接受本港各影音主流媒體的簡短訪問，同埋我們在當晚活動中，有份參與既版友同 阿 Paul 本人既即場對答，過程內容絕對豐富，大家千萬唔好錯過呀!!!
(此完結篇中有總共 5 個視頻訪問，而 5 個訪問的問題都不盡相同，所以大家可以放心慢慢欣賞!)
今次活動除了小瑟當上主持一職之外，我地出哂名係 BEYOND 既死忠 FANS 既祺哥亦都當上主持一職呢!
當大家介紹完自己之後，就當然係 KEF 代表方面，介紹返當晚既音響器材啦!
Post76《A 小調協奏曲》黃貫中 HQCD 專輯分享會 – 活動實況足本
好勒，睇到呢度，我相信你必定係 阿Paul 既超級 FANS 了，而當晚除左有我地 76 官方既主持同佢傾計之外，各位現場既版友亦都可以同佢傾下計，問下問題，而小瑟個人覺得，呢個環節既 阿 Paul 絕對係非常攪笑，十分親民，如果你當日都有出席又或者你都想睇下 阿 Paul 生鬼既一面，快 D CLICK 入來睇下啦!!!
Post76《A 小調協奏曲》黃貫中 HQCD 專輯分享會 – 版友提問及感想
(版友當晚即場同阿 Paul 對話及會後版友們的一些感想)
大家睇完哂整個分享會既內容之後，係咪已經對 阿 Paul 呢隻新碟既創作概念了解左左好多呢?? 又或者大家可以睇完整個分享會會覺得唔夠喉喎，Ｄ 問題唔夠＂入＂喎，唔緊要，分享會之後，我地仲有一個時段係比香港 其他的影音媒體既訪問環節，呢個環節係當晚有出席活動既版友都睇唔到的呢。。。。︿︿＂所以呢個訪問身為 阿 Paul FANS 既你，又點可以錯過呢??
Post76《A 小調協奏曲》黃貫中 HQCD 專輯分享會 – 媒體專題訪問
(訪問內容以影音技術及音樂製作內容行先)
分享會後，阿Paul 仲逐一同眾 Fans 簽名同拍照留念!! (以下已經是全部當日會員們的合照，如果你想取回原檔收藏，請抄底檔案名再 PM 小瑟連同 EMAIL 地址，小瑟好快就會 EMAIL 原檔比大家呢。)
呢次活動，除左要多謝阿 Paul 抽左成幾個鐘時間同大家傾計，分享呢張經歷四年既新專輯既創作與及製作 HQCD 既心路歷程之外，小瑟仲要多謝好多人，包括全靠 KEN 哥 係唱片界既人面同江湖地位, 先可以有機會搵到阿 Paul 同我地各位版友來一次零距離接觸既機會。而亦都係多得我地既副版管 WIL 總既經人既魄力及活動安排既功力，另到呢次活動可以順利舉行及將咁多個不同的媒體，會員，版友，場地，處理得井井有條，非常順利。再三多謝二位主腦既功勞。
另外亦都要多謝阿定、祺哥、Mankoo 大哥、九爺、Son 爺負責在玩場安排及維持。老六就當然係全場既平面總設計師啦，我地身上咁靚既 LABLE，會場中的投射背景，都係由佢一手包辦。另外毒峰亦都有幫手製作 76 既咪牌 …… 等等。
而我地依家可以睇到咁多個不同剪輯既視像版本，全靠 oops 兄 不知做左幾多晚通消，逐個鏡頭細心睇返，剪走好多多餘的片段，執色溫，執聲音，轉場，過場，一一都係需要很多很多的心機先可以做到的。
而現場攝影方面，我地有攝影版版主 Aidan 兄同 Nel 哥二位師父級人馬幫手，先可將當晚咁多精彩的一刻，捕捉比大家欣賞，而二位亦都係在分享會當晚，已經執好哂相係第二朝已經準備妥當，呢份專業我相信係出面收錢既師父都未必可以做到。
當然多謝名單上，又點可以小左我地既場地提供 KEF 銅鑼灣總店既各位對今次活動既支持啦。
最後，當然就係要多謝依家睇緊呢個文章既各位觀眾，及每天都上來 Post76 呢個大家庭同大家分享，吹水既版友們。當然要再三多謝分享會當晚有份出席既老友記們對我地 Post76 既支持，冇左你地既支持同參與，我地做更多野都只係一件苦差事，有你們既支持就係我地不停去諗新野玩同新活動既原動力呢。
最後再三多謝各界支持 Post76 既今次既活動!!
以下我就為大家重溫一下所有呢個分享會的所有視頻片段，等大家可以回味一下吧!!!
Post76《A 小調協奏曲》黃貫中 HQCD 專輯分享會 – 預告加長版
Post76《A 小調協奏曲》黃貫中 HQCD 專輯分享會 – 小瑟獨家專訪
.
以下是分享會後，所有有關呢次活動後既討論。我地亦都非常之歡迎各界媒體或朋友們加入 Post76 的大家庭，與我們一同感受玩影音的樂趣。
CD音樂討論區 – Post76 x 黃貫中《A 小調協奏曲》HQCD 分享會 ~ 完結篇 (視頻足本)
http://www.post76.com/discuss/viewthread.php?tid=106172
CD音樂討論區 – HQCD 黃貫中
http://www.post76.com/discuss/viewthread.php?tid=104675
CD音樂討論區 – Paul Wong (黃貫中) 四年心血《A 小調協奏曲》HQCD (個人感覺)
http://www.post76.com/discuss/viewthread.php?tid=103507
CD音樂討論區 -【會後討論】《A 小調協奏曲》黃貫中 HQCD 分享會
http://www.post76.com/discuss/viewthread.php?tid=104608
CD音樂討論區 -【媒體簡報】Post76 x 黃貫中《A 小調協奏曲》HQCD 分享會
http://www.post76.com/discuss/viewthread.php?tid=104852
CD音樂討論區 -Post76 x 黃貫中《A 小調協奏曲》HQCD 分享會 ~ 獨家專訪及花絮
http://www.post76.com/discuss/viewthread.php?tid=105340
攝影討論區 – Post76 x 黃貫中《A 小調協奏曲》HQCD 專輯分享會
http://www.post76.com/discuss/viewthread.php?tid=104955
攝影討論區 – Post76 x 黃貫中《A 小調協奏曲》HQCD 專輯分享會 – 工作人員篇
http://www.post76.com/discuss/viewthread.php?tid=104957
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
http://www.facebook.com/post76
https://plus.google.com/u/0/118072674924924911355
