G.E.M. 今次出 Blu-Ray Concert 仲駛問咩一定即出即買，夸何因本人較早時有 D 私事要做, 所以延遲至今先同大家見面! 但大家記住今次既 Report 我唔會客觀地去寫一個碟評，點解? 因為佢係阿 G.E.M.，就容許我一次放縱吧!!!
一買番黎第一時間反轉個封面睇下有咩歌先, 成個演唱會 Run Down 有成 28 首歌合共 138 分鐘，要睇 2 個鐘多少少先睇得晒。仲有既係，依楂歌對我黎講全部一 D 都唔陌生，簡直識背甘滯! 而 Special Features 方面只有 13 分鍾，分別有 01. A.I.N.Y. (Piano Version)、2. Tan 幕後的故事、03. Lupo 眼中的 G.E.M. 强烈建議你地睇睇晒先好熄機。唯一不足地方既係制作特輯唔夠喉太短了! 哈哈! 不過 Post76 版友有福了，可以多睇較早前幾分鐘 Post76 獨家花絮補番數呢!!!
Post76 呈獻【九週年台慶獻禮第二擊】… G.E.M. 2011 演唱會專輯獨家專訪
今次演唱會選曲好互動感，你按邊首都好亦會出番個段封面比你睇
有 3 條聲軌比大家聽，更設有 Karaoke Dolby Digital Stero 比樂迷唱 K，抵讚!
整體黎講，今次演唱會選曲既先後幾有心思，加上富有現代感既燈光舞台效果，實在係一張娛樂性極高既藍光碟! 加上只有 20 歲 G.E.M. 既現場演譯，唱功無可置疑地好，剩係依點都值得比 $189 去擁有一隻碟呢! 而後期制作方面,同平時大家睇開既 Concert 有 D 唔同，今次剪接得比較多,務求做到更精彩更有電影感。而畫面方面，正如版友所講未去到示範級別，雜訊較多! 都係個句，我地注重演唱會 Quality 多過其他野。依隻 GET EVERYBODY MOVING 對我巳經收貨有餘了!
歡迎進入我們的影音玩樂討論區發表意見.
http://www.post76.com/discuss/viewthread.php?tid=99135
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
