其實構思呢件 TEE 出黎都有段故既 … 記得代理們、發行們都多次講過，Post76 最有趣既地方係，除左有一班真心分享的師兄弟妹們，佢地更加可以好理性地討論，少有地唔會係網上吵吵鬧鬧，大家亦會好自豪咁行出來話比其他人知 … 「冇錯，我係 76人」。而由 76 攪得活動當中，無不場場爆滿，仲要開開心心、全無隔漠地玩足全場後都唔捨得走呢。
其實，身位 Post76 既管理團隊，我們亦為此感到非常自豪，但連帶一眾 Post76 版友都會以此自豪，就真係頗難得。記得當初，由一個寂寂無名既業餘網上影音分享小組，擴展到成為今天 … 一個有著點點知名度既發燒影音入門玩樂網站，真係有著一份難以形容的興奮! 最開心既係所有加入 Post76 既版友，由素不相識，到每天你毒下我、我毒下你；有時又會左吹下、右吹下，甚至出埋黎彼此家訪，慢慢成為好朋友，而且仲要係一大班、一大班計，網站更成為茶餘飯後的聚腳點，Post76 這個名字亦好像成位你我心中既品牌。
既然係九週年來臨，咁當然要做一 D 可以代表到你我既好野分享下，所以就有左 Post76 T-Shirt 呢個概念。今次呢件限量紀念 TEE 推出，亦都正正可以比大家作個紀念。呢個版本，其實就係上次我地投選《各位 76 兄弟們， 黎選出大家的 “76TEE” 吧!!!》時，四件由陸爺精心設計的其中一件。陸爺係個外號，有人仲叫佢＂線碌皇＂… 等等，其實佢網名應該叫 ykluk，一位非常非常之熱心，但亦都係好毒既版友 (把持能力欠奉既老友記，最好遠離佢 … 
)，佢已經多次仗義設計左好多野比 Post76。今次呢件 TEE，自己就非常喜歡!!
想了解【Post76 限量紀念 T-SHIRT】詳情或討論下既好朋友，可以到 …
http://www.post76.com/discuss/viewthread.php?tid=92880
其實，不論你係因為好自豪自己係 Post76 人或者因為個款幾靚吸引到你都好，有興趣既可以先參加我地【Post76 九週年台慶版聚】，當晚除左可以買到呢件限量 TEE 外，仲可以開開心心食一餐，更加有遊戲玩贏取小禮品、仲有好多好多豐富禮品，如 KEF 喇叭、Onkyo 擴音機、Pioneer 藍光影碟機等等比大家抽獎，禮品總數過百份，保証人人滿載而歸，你唔係仲未參加!?
【Post76 九週年台慶版聚】詳情可參考 …
https://post76.hk/news/?p=13882
—————————————————————————————
有你既支持，就係我地最好既推動力，齊齊參予
「有玩、有 FUN … post76.com」
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
