每次去完版友們既家訪, 小瑟心情都係非常興奮的, 因為可以親身去試到好多唔同既影音組合, 音響器材, 以及各種唔同既設備, 絕對係一件賞心樂事, 而我地今次呢個家訪既主人翁, 就係係科林上, 善和力勁高, 為人平易近人又深得民心的 “edlsang” EDMOND兄既家庭影院勒!!
今次我地去到既目的地, 就係位於天水圍其中一個私人住宅區, 雖然小瑟好小去天水圍, 只係好耐之前, 去過區內既酒店玩過下, 而 EDMOND兄既家, 就係好近呢個酒店架勒, 相信大家都知係咩屋苑啦~~XDDDD
我地先來睇睇, Edmond兄的家庭影院器材表先.
TV : SAMSUNG LED UA40C6900
DVD: SONY SR200P
BD : OPPO 93
AMP : DENON AVR4311
機頂盒 : MAGIC TV 3500
PROJECTOR SCREEN :GRANDVIEW DELUAX SCREEN (電幕 ) 70″
PROJECTOR : JVC X3
CDP : Cambridge Audio 740C
Int Amp : Cambridge Audio 740A
Front Speaker (2ch ) : Monitor Audio RS8
Front Speaker : MK M7
Central Speaker : MK M7
Front Heigh Speaker : MK M5
Surround Speaker : MK M4 (3向)
Subwoofer : MK SB-12
我地一入屋, EDMOND兄既小家貓就好乖咁出黎迎接我地勒, 真係好乖喎^^.
因為小瑟之前都有睇過EDMOND兄係某影音雜誌的家訪, 但當置身其中, 感覺又另一番風味, 之前仲以為佢既影音空間都好細, 不過去到現場, 又唔係細架喎, 一個長方形既客廳, 牆上掛上一部 SAMSUNG LED UA40C6900 LCD TV, 睇電視視角非常舒服, 而機櫃上, 就有一系列既影音器材, 12″ MK SB-12, OPO BDP-93, DENON AVR 4311, 三隻前中置MK M7喇叭同一對 MK M5上前置喇叭, 好齊全既傢生呀!!!
而後牆, 我地就可以見到一部由厚厚亞加力膠板建成既投影機托板, 上面放住一部 JVC DLA-X3 3D投影機, 而左右就由 MK 的一對 M4 3向喇叭充當後置喇叭, 再加上對前置M5幫手係前面做效果, 成個影院既四隻角, 岩岩好就係比呢四隻 MK 白色喇叭緊緊咁包圍成一個完美既音場, Edmond兄對家庭影院既要求, 真係絕對非常講究呢~~~~^^”
相信大家都唔會對呢隻12″既 MK SB12 SUB仔陌生架勒, 小瑟之前都未正式試過呢隻SUB仔的, 今次有機會親身近隔離可以一試, 真係好興奮呀, 咩都唔好講住, 拿拿林拆左個網先, 赤裸裸咁運動一下, 先係最過引既事呢~~~~~~~^.^
之所以話Edmond兄係一個”力求完美”的家庭影院院長, 真係一點都不為過的, 因為佢堅持用返一套全MK系統去另到整個影院既音效同聲底都達到連貫性及絕對一致, 呢點相信好多朋友都夢寐以求的, 而 Edmond兄此舉, 亦都貫徹左THX的要求, 所以話, Edmond兄點會係唔力求完美的影音迷呢????^_*
唔好睇呢部 Sony既DVD封哂塵呀, 如果冇左佢, Edmond兄的千金就小左一個最大的娛樂, 當千金冇左娛樂, 就可能會轉目標去攻擊 Edmond兄的玩具架勒~~~XDDDDDD
小朋友有娛樂, 大人又點可以冇娛樂呢?? 除左睇戲, 當然會打下機啦, PS3就係充當左呢個職責勒, 另外下面既 MTV3500, 就提供左日常高清電視的娛樂勒, 小朋友有SONY, EDMOND兄有PS3, 而EDMOND兄的太座就有 MTV3500, 大家都各取所需, 好公平啦~~(EDMOND兄, 呢炸野我幫你講出你心底話, 你太太睇到加哂分啦~XDDDDDD)
好勒, 我地鏡頭一轉, 就黎到藍光碟既世界勒, Edmond兄同好多師兄一樣, 都係用C/P值極高的 OPPO BDP-93, 貪佢有QDEO同雙HDMI輸出麻, 不過係言談之間, 就得知原來 Edmond兄只係用左一個 HDMI頭, 因為佢去投射比較麻煩, 都係用AMP出會比較方便呢!!!!
AV家庭影院的中心系統, 就由 DENON AVR4311負責, 雖然 DENON已經好耐都出新機, 不過呢部 4311可以話係用料充足, 力水爆棚既一類, 應付呢個 7隻MK既系統, 究竟夠唔夠力呢???? 呢個一陣自有分曉勒!!!!^,^
因為家中貓咪非常活躍, 平時 Edmond兄都會將部AMP用呢張卡紙再封住個機頂既出氣位, 大家可能即時心中暗想 ” 喂……散唔到熱, 仲得了既????@@” 唔好話你, 就連小瑟都以為, Edmond兄會係開機時將卡紙囉走, 但佢竟然冇, 不過, 我地係當晚玩左3個小時之後, 小瑟再囉走張紙, 一掂……………….4311既機頂, 竟然唔一D都唔熱既, 小瑟可以話值係頭有小小涼添呀, 同 ONKYO既 AMP比, 真係二個世界, 唔怪之得師兄們成日話 ONKYO機熱, 原來係對比之下, DENON既機真係冇咩熱力可言呢~~~~~~~@@”
Edmond兄, 除左AV講究之外, 佢仲真正實行影音分家, 大家可以睇到一SET Cambridge Audio 740C CD PLAYER 同 Cambridge Audio 740A Int Amp就可知一二呢!!!!!^^
電源方面, Edmond兄都絕對講究, 之前知道佢只係用 Oyaide MTS-6 作為拖板, 但轉眼間, 呢隻黑色既 SINE SAF-30a 電源濾波處理器, 已經正式服役, 為 Edmond兄既器材提供干淨又源源不絕的電力呢, 而牆身出比呢個30a拖板的電源線, 都非常講究, 就係小瑟一路都唔舍得買既Oyaide 2.0, 真係唔講得笑架!!!!^_^
好勒, 器材就介紹到呢度先, 一黎同Edmond兄傾左陣計, 大家都想試試部 JVC X3既 3D效果, 點知, 呢個時間, Edmond兄竟然囉左隻好野出黎比小瑟測試, wow, 日本川村寫真 3D藍光呀, 小瑟從未試過係70″既大畫面上, 欣賞著上泳衣既日本女優係小瑟面前跳下跳下, 真係既緊張, 又興奮呀…………
…………………點知………………..
因為呢隻碟既3D制式問題, 需要效返相應既3D方式先可以睇到正常既3D畫面, 而 Edmond兄又唔係好記得究竟係SET邊個位先可以正常睇到, 就係呢度, 我地都效設定都攪左成半個鐘, 最後, 終於都可以睇到3D效果, 不過………………………呢隻碟既3D效果, 原來唔係咁明顯的…………….早知一早就睇 2D算啦~~~~~~~~~~~~~~~~~~~~~~XDDDDDDDDDDDDD
好勒好勒, 快樂既時間過得特別快, 又係時間同大家講BYE BYE勒, 果D著泳衣女優係度行來行去, 真係完全唔岩我睇既, 小瑟跟本就唔係果D人, 我只係好奇睇 3D之麻………………….我點知 Edmond會囉隻日本碟出來先得架……我唔知架, 唔關我事架!!!!!!(大家可以唔洗理小瑟上面呢炸野, 佢係打比太座睇的XD).
好勒, 講完玩, 我地就收拾心情, 正式開始今次既家訪行動勒, 首先, 我地就搵左呢排小瑟好鐘意既長頭髮公主”魔法奇緣3D版”來試一試整個家庭影院既效果先!!!!
好勒, 經過一個簡單既測試之後, 發覺 Edmond兄既家庭影院左右聲壓唔係好對稱, 而中置對白人聲, 又有明顯”縮”左入去既感覺, 前面二隻前置喇叭, 比上面四隻環繞聲喇叭細聲, 有幾嚴重既搶聲問題出現, 攪到主聲道感覺唔得平衡同埋有D妹仔大過主人婆既感覺!!!! 我同九爺, 又係例牌音壓計, 拉尺一把, 開工開工!!!!!!^.*!!!!!!!
SET野期間, 九爺仲留意到, 部X3個鏡頭有D指紋同手油既野, 所以佢就好小心咁慢慢幫隻眼仔清潔一下, 估唔到九爺呢位硬漢子, 竟然有咁細心呢~~~^.^
另外如果大家既TV或投射係比較新同可以支援高色深, 記得轉用呢個 SETTING呀!!!!
之後我地再睇返一次魔法奇緣缺提一段, 今次對返哂辨了, 定位同包圍感好返好多了, 4隻MK環繞喇叭將我地坐既沙發位置, 牢牢咁包到實一實, 而SB-12發出既低頻, 又洽如其分地營造到一個干淨但結實既低頻, 但唯獨係中置既人聲, 始終都係縮左入去畫面既後面, 唔突出, 唔明顯, 有欠自然, 最慘係聽對白唔係好清楚先死丫麻……………點解會咁既呢????
後來, 我同左爺二個分別試過係AMP既返定上, SET距隔, 音壓, 作出相應既調校, 距離上, 我地試圖將中置喇叭既距離拉遠, 去另AMP以為中置距離遠左, 去將個DELAY推近, 但效果唔顯著, 將音壓加大, 雖然感覺係拉近左, 不過中置對白出來聲音唔夠自然, 有D夾硬, 到最後…….我地決定…………………………將中置喇叭呢對原木腳, 囉走, 換上一粒釘腳去代替, 點知……………..^.*
轉完釘腳, 再拉出小小個中置喇叭, 之後…..一開聲……………….嘩……….我同九爺二個即時都………..”嘩”…..一聲咁”嘩”左出黎, 因為效果真係太明顯勒, 做完呢個舉動之後, 成個人聲對白同主聲道即時生猛哂, 環繞聲同電影對白聲道即時唔同左, 配合返個畫面同埋身返好多, 係呢刻, 小瑟同九爺二個都真正認為, 呢個先係似樣既環繞聲效果, YEAH, 依家咩都返哂黎勒, 我地即時囉D耳熟能詳既電影來試試先.^_^
先黎一套聽過十萬九千次既 “功夫熊貓” 藍光碟, 試試大炮逃走果段先, 開場既開鎖聲, 清脆利落, 之後大炮發難, 開始戰鬥, 密集既拳腳打鬥, 每打一拳, 低頻打出既到肉位, 另到在場人士 無一唔感到過引非常, 最後大爆炸既一幕, 爆出終極一下, SB-12發出既低頻有勁有尾音, 有餘震之外唔會含糊不清, 睇完呢PART之後, 小瑟呢次真真正正比MK既SUB仔打動到, 看出左 MK自己既性格, 值得一讚呢, 不過今次真係估都估唔到, 原來九爺已經暗暗中毒, 仲係中到入一入果隻, 轉過頭就即時放出手上威仔轉投 MK SB-12既懷抱呢~~~XDDDDD
之後我地就再選左另一段師徒搶包同亞寶入唔到場睇龍戰士一場來試聽效果同定位勒~~~
小瑟就係九爺同 Edmond兄專心睇戲時, 影返二張相先, 唔係講笑, 佢地真係睇得好投入架~~~~~~~~@.@
好勒, 睇完2D舊戲, 有咁大部 JVC X3 3D投射係度, 當然唔小得睇下 3D電影啦, 難得 Edmond兄都有小瑟好喜歡既 “TRON創戰紀” 3D藍光係手, 點可以唔開來試試呀, 就係呢個時候, 我地76名人, 副總管WIL總, 線皇六, 超人JOE, 水晶大師, 亦已經收工到場, 好咯好咯, 終於都齊哂人勒, 我同九爺仲講笑話佢地幾個真係識擇時辰, 我地SET好哂就來享受, 真係約都冇咁準時呀~~~XDDDD
拿, 即係唔係話咩, 雖然主動式 3D真係好正, 不過好似呢D情況, 咁多朋友一齊玩, 只得二副3D眼鏡, 你話係咪幾唔過引先?? 如果有廠商代理睇到呢段野, 麻煩你地將 D 3D眼鏡再減平小小啦, 如果你話一百幾十蚊一副既, 我相信我地 Edmond兄一定唔只得二副係手啦~~~~XDDDD
我地試呢段就係男主角岩岩進入電子世界, 電單車互片一場, 大家有睇過呢套戲都知道, 呢場因為係係一個電子鬥獸場做場景, 人聲既空曠感非常強, 係7隻全MK喇叭包圍下, 營造出既立體感同臨場感非常之好, 另觀眾好容易就完全投入左去電影內既世界, 百分之百投入其中, 而整段測試片段過程中, 小瑟腦中, 已經冇出現 “力水夠唔夠呀?? 高音標唔標呀?? 低音誇唔誇呀?? 呢D電影外既問題, 因為 DENON 4311控制全套 MK 夾出黎既電影感, 已經非筆墨所能形容了, 而片段中, 電單車既引擎聲同強勁既背景音樂, 出黎效果小瑟夠膽講, Edmond兄屋企絕對勝過好多戲院既效果, 唔怪之得, 咁多人都對DENON+MK呢個組合, 有咁大的迷思呢~~~~~~~~^_^!!
之後, 水晶大俠就囉出佢既絕世兵器, 出黎比大家慢慢試試勒, 分別係富士黃金版同富士 X 極光, 咁究竟邊條出黎好D呢???? 呢個留返一陣大家自己討論啦~~~XDDDDDDD
有得線皇六, 水晶大俠係度, 又點可以唔聽下歌仔呀??? 好勒, 我地試完AV, 一於就來試試 Edmond兄影音分家既HIFI部分啦!!!!!! 以下呢對就係 Monitor Audio RS8勒…….不過係呢個報導出街時, 呢對喇叭已經比其他人收養左了~~~~XDDD
我地囉左隻7N版既陳潔儀出黎, 試首非常之靜態既”心痛”非 UNPLUG版, 大家開頭聽左一陣, 好似有蟻咬咁, 大家都覺得對焦比較濛, 二隻喇叭對唔到焦, 冇左人既定位, 同埋高音有小小標, 之後, 九爺就去喇叭後面攪左小小野, 至於攪左咩, 不如就由佢自己話你聽勒~~~~~~~
九爺攪完之後, 高音感覺上好返D, 圓潤返, 不過依然都係音場比較散亂, 唔集中, 之後 Edmond兄就醒起, 岩岩囉左條團購既 Taralabs M3 RCA線未插入去, WOW, 仲唔拿拿林換線~~~~~~~
呢次又要辛苦九爺插野勒, 佢熟手技工, 三兩下就攪掂哂, 之後又係聽返同一首心痛, 開聲都未洗2秒, 個個都即時”WOW”一大聲(唔係吹水, 真係人人都同一時間WOW一聲喎!!), 但小瑟就連坐都未坐定, 跟本都未開始留心聽, 佢地就個個話差好遠, 小瑟就淨係比佢地呢個同一時間 WOW呢個舉動, 笑到收唔到聲呢~~~XDDDDDDDDD
與此同時, 水晶大俠就囉左隻硬野出黎, 呢隻冇記錯就應該係佢打 BAND時代收藏既天碟來, 錄音水準十分之高, 屬發燒級數, 而碟中既樂器之多, 聲音覆習交替之頻繁, 唔係咁多套機可以”真正”應付到, 而六爺同晶哥係聽左一陣之後, 都覺得套機都係”做”得比較吃力又不太討好, 不過聽講, 呢隻碟就算係成套”麥仔”, 都未必可以應付得到, 這樣又難怪呢~~~~~
好勒, 時間去到呢度, 大家都開始肚餓, 要去醫醫肚勒, 而呢個時間, 小瑟當然唔放過機會, 同大家報導一下平日 Edmond兄係屋企時, 同大家分享文章吹水時既軍事要地啦, 呢個地方, 肯定係香港首次公開出現, 大家想要就快D SAVE低佢呀, 我唔排除過一排, 會比人要求刪除呀~~真係值得珍藏架~~~~XDDDDD
唔知大家知唔知, Edmond兄除左係AV迷, 仲係玩具迷來架, 不過依家有左小朋友, 呢D心愛既”戰友”, 就只可以先入櫃冬眠呢~~~~~~~~
今次小瑟有幸可以去到 Edmond兄既屋企作一次深入既家訪, 親身感受一次由 DENON+MK呢個黃金組合, 係一個真正家庭中既實際效果, 的確係一個非常之難得既經驗, 而呢次家訪, 亦都係首次可以毒到連九爺都要即時快速地, 換野解毒既一次, 可能你會問, 小瑟點解你冇中毒呢??? 我可以好肯定咁答你, 小瑟已經完全中哂含笑半步釘既毒, 毒到成個人都冇哂反應果隻了, 好想換SUB仔, 好想換喇叭, 好想換地櫃, 好想, 好想, 好想, 太多野想…………………..但耐何, 有更多既外在既因數未能配合, 所以……………都係等下先啦, 哈哈!!!!!!!!!
歡迎進入我們的影音玩樂討論區發表意見.
http://www.post76.com/discuss/viewthread.php?tid=90040
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
