講開呢個家訪, 小瑟真係非常非常之愧疚, 因為呢個家訪其實已經係新年前做架勒, 但小瑟一路都冇好好咁將所有相片同文字整理好, 呢排終於都再次的起心肝, 正式趕起埋份家訪先得!!!^^”
呢個家訪係發生係2011年2月既一個平日晚上既, 點解成日我地家訪都要係平日晚上呢??? 原因好簡單, 因為大家都有家有室, 星期六日都係家庭日啦, 如果日日都掛住同D二奶玩唔理屋企果個, 我相信唔好話玩玩具唔玩得長呀, 就連命都唔會長呀~~XDDDDD
好, 講返個家訪先, 呢晚我地就由祺哥駒車, 由GPS既帶領下, 進入位於屯門龍鼓灘既其中一個類似圍村既地方(我地曾經行錯路, 入到去好入一個類似邊境既地方, 仲要電話都收唔到, 勁驚呀~##!), 泊好架車, 一行三人就由 Dee哥同 Dee哥既小王子, 帶領之下, 去到 Dee哥既屋企勒…………….
@@嘩…………………一個四四正正既長方型客廳, 用來玩 AV家庭影院, 真係FIT到冇哂朋友, 真係好難得, 小瑟都想有一個咁長咁四正既客廳可以比我咁玩, 不過耐何依家D樓………………….~_~
好, 我地一於黎睇睇 Dee哥屋企有咩器材係手先!!!
LCD TV: SONY NX710 46″3D LCD TV
AV AMP: Onkyo TX-NR808
FRONT SPEAKER: Dali IKON 7 MK2
CENTER SPEAKER: Dali IKON VOKAL 2 MK2
REAR SURROUND: Dali LEKTOR 1
BLU-RAY PLAYER: PIONEER BDP-LX54
SUBWOOFER: Velodyne DEQ-12R
GAME CONSOLE: PS3 / X-BOX
首先一開始, 九爺同我當然係先聽聽 Dee哥器材本身出黎既效果先啦, 因為 Dee哥要就佢屋企既小朋友既關係, 佢將套沙發擺得比較前左小小, 係呢個情況下, 前面三隻喇叭就比較近左小小勒, 不過, 因為 Dee哥冇玩投射, 所以既 46″既LCD TV, 視角就變得岩岩好勒, 但前面三隻喇叭同後面果四隻喇叭既環繞效果同連貫性就欠佳, 就變得唔夠突出勒.
睇完聽完一陣之後, 九爺已經急不及待拿起 ONKYO 既 REMOTE, 著手攪佢部安仔808勒……..首先做好既當然係基本功先啦, 設定返好哂7隻喇叭既大小, 分頻點, LEF, 每聲道既輸出聲壓電平, SUB仔既工作頻率, 一一從新設定, 再反覆用亞凡達來做測試對像!!!
Dee哥原來都幾鐘意聽歌, 我地家訪當日, 佢有整左隻佢既心水正碟介紹比小瑟, 小瑟雖然係家訪當日未聽過, 不過一睇個封面……………….掂啦, 夠哂清新, 又靚女, 即時二話不說就影左幾張相先, 返到屋企再SEARCH一下呢隻碟究竟係咩料, 原來呢位靚女係叫 Olivia Ong, 新加坡人, 日本走紅既, 但唱既主要係英文番唱歌, 曾番唱英文金曲如《 Fly Me To The Moon》和《Make It With You》等. 呢隻【Fall In Love With Olivia】有一首日文歌, 兩首國語歌, 再加九首英文歌, 小瑟有幸可以係網上搵到試聽, OK喎, 編曲係以舒服自然為主, 幾岩我FEEL, 而佢呢隻碟聽 Dee哥講, 錄音唔錯的, 無論定位, 結像同口水聲, 都一一原汁收錄, 有機會再買隻來來詳細同大家分享下, 總之聽左一陣, 呢佢既歌就好似熄哂聽, 好好休息去享受一日辛勤工作之後既清泉………..(哈哈~~~~小瑟最like發夢, 想休息….打埋份家訪先啦~~~XDDDD)
而 Blu-Ray方面, 我地可以見到店鋪有既 DISENY卡通片, Dee哥差唔多可以話係有齊, 原因好簡單, 二個字講哂, “慈父”, Dee哥對小王子的確係非常愛鍚, 為左可以比小王子可以係屋企都有戲院既感覺, 所有既卡通片都買齊, 有好多都係小瑟唔舍得買既版本, 好似好多 3D版既片, 小瑟都係因為太貴而冇買…………..~_~
好勒, 講完一輪, 傾下計影下相, 九爺設定上基本已經完成, 我地就囉左套【人。神。魔戰】蛇妖一段來做測試. 經過一輪重新設定之後, 基本上後置喇叭既連貫性已經好返好多, 而蛇妖閃來閃去包圍感及定位, 亦都比之前好左, 但感覺未算突出, 而前面頭三隻喇叭係大爆彭時都仲係有小小力有不遞, 有小小亂, 之後我地就再進入設定內, 將前面三隻喇叭既分頻點, 聲壓電平細項, 再三做調校勒!!!
早排鐵甲奇俠二, 大家都非常愛用佢來做測試, 事關大家都知呢集最尾段除左打得好勁之外, 仲有多左一位女主角, 睇戲既野除左爆得之外, 畫面既爆炸性當然都重要啦XDDDD, 所以呢次我地就點都要囉套鐵甲二既尾段來試試勒. 係比眾多鐵甲機械人包圍果段, 來試個包圍感就最好架勒,一經過九爺同小瑟多番設定之後, 後置既包圍感同低頻既充沛感都好返好多, 唯一差小小既, 就係安仔808係推動前面三隻喇叭又大食又大件既 DALI時, 去到極高爆炸位, 始終都係有小小腳仔軟既情況出現, 呢點真係點攪都仲有, 不過以808既身價, 其實要推動前面呢二隻有三個低音單元既 Dali IKON 7 MK2, 又真係談何容易呢……
之後, 我地就再囉返大家都耳熟能詳【功夫熊貓】來試勒, 搶包包呢段, 用來試定位同占低動態就最好, 今次效果的確比之前未再三詳細調校時好了, 而音樂及動作既聲效亦都配合得唔錯, 係可以另到人投入現場氣氛果隻, DAIL喇叭的確係係聽歌或音樂上, 係有出色既個人表現!!!
試得熊貓仔, 又點可以唔試物大炮果段呢??? 呢次SUB仔真係可@完全發揮到勒, 呢隻威力登既DEQ-12R 12″ SUB仔, 係大炮不停打鬥中, 陣陣低頻已經係非常從容, 而去到最後佢沖上去擔炸彈果度, 大家都知道慢鏡中有幾下係超低音既低頻, 唔係咁多隻SUB仔可以做到有層次的, 雖然呢隻威力登既層次感未講得上豐富, 但都已經可以比到一陣陣來既腳步感覺由遠至近沖出黎, 當然我地唔可以以JL呢類 SUB仔來同佢比較, 不過以佢平過JL既身價來睇, 佢都算係好好表現的一個來了!!!!^^”
Dee哥仲比我地試左佢部3D LCD TV既效果, 睇既當然就係佢仔仔最LIKE既BOLT啦, 一開場果段大家都知又炸得又睇得, 我地就睇果段, 呢定 LCD既 3D效果, 其實已經係部部都唔差好遠, 所以睇呢套片時, 我地係立體效果上, 都冇咩好投訴了, 而睇完呢套3D之後, 就完全明白哂 Dee哥要將張沙發放到咁近 TV, 可能就係因為希望可以有更埋身既立體感, 呢點我相信 Dee哥絕對做到了, 不過小瑟都係唔係好習慣睇 3D既畫面, 所以睇左一陣已經有小小頭暈………..!!!!
最後我地真係要多謝Dee哥, Dee嫂同小Dee Dee既熱情招待, 又出村口接我地又有 Pizzia食, 真係非常開心. 或者, Dee哥應該都好快就會再買玩具, 因為我地臨走時, 強烈建議 Dee哥真係整部後級POWER AMP, 專門用來照顧前面三隻DALI, 相信對整個家庭影院既結像力, 定位同聚焦度, 都可以有正面同強大既增長呢.(我地落重料毒佢架XDDDD)
呢隻黃金戰士, 係咪睇到流哂口水呢!!!!XDDDDDD
睇埋呢個四正既長形AV客廳, 仲唔係流到一地都係口水~~~哈哈!!!!!
高清影院與硬件討論區討論串: http://www.post76.com/discuss/viewthread.php?tid=80086
