圖/文:SonSon
未睇呢套｛無名殺機｝之前，相信大家會好自然會同｛救參96小時｝比較，封套設計差不多，同樣係年屆60既里安尼遜一人孭飛之作，之前｛救參96小時｝比想像中好看，故事簡單，節奏明快，係預算有限下打造出有水準既動作片。雖然兩套戲冇任何關係，但都想睇吓｛無名殺機｝可否延續｛救參96小時｝既水準？
故事簡介：
馬丁哈利斯博士（里安尼遜）在柏林遇上車禍，當他甦醒之後，發現妻子 (珍瑜雅莉鍾斯)把他當成陌生人，而他的身份更被另一個男人（艾丹昆恩）取代了。馬丁求助無門，又要面對神秘刺客的追殺，他只能獨自逃跑。在不太可靠的同伴艾莉（戴安古嘉）幫忙下，馬丁發現了他們陷入一個致命的陰謀，讓他不禁懷疑自己是否神經失常，對自己是誰產生疑問，甚至不知道自己能付出多少去尋回離奇失去的身份。
感後感：
失憶後尋找身份真相的同時又要應付四面八方而來的「殺機」，劇情雖然熟口熟面，但如果劇本能將懸疑成份推高而事後解迷又可自圓其說的話已算成功。雖然本片係前半段懸疑性方面尚算成功，里安尼遜失憶後，一方面身處異地，又遺失身份證明文件，身邊親人又毫不認識，事實上孤立無援感覺確會令觀眾投入。但當真相解開後，就會發覺劇情有頗多反駁之處。
首先，里安尼遜及妻作為一個殺手，明知公事包內有身份證明及其他偽造護照，冇可能咁疏忽遺失。當里安尼遜失憶後再出現時，雖然位置已被同黨取代，但組織又未至於要追殺他吧，雖知道訓練一位出色殺手唔係話咁易，為何唔一早捉返去解釋便可。妻珍瑜雅莉鍾斯既然已知密碼組合，為何係偷取檔案分秘必爭時仍要花時間慢慢對書本，一早記低咪方便好多，為製造緊張又唔合理。而里安尼遜恢復記憶後得知一切計劃，為何良心發現要加以阻止亦冇詳細解釋。最後既係一套出色既懸疑片係解迷後回想戲情係要有跡可尋，首尾呼應，令到觀眾有原來如此感覺。但當此片迷底解開後，先發覺前半段戲情完全無跡可尋，觀眾會認為吓咁都得？
除劇本稍為不濟外，其實大家當假日消遣仍可一看，雖然得25G欠少了高清味，但畫面菲林感仍重，飛車場面冇誇張音效但仍收貨。里安尼遜演技實力無容置而，而以咁既年紀仍可擔當荷里活一線主角，重要係動作片喎，亦屬難能可貴，由｛舒特拉的名單｝到依家點都要支持一下。
討論區原文：http://www.post76.com/discuss/viewthread.php?tid=77629&extra=page%3D1
