圖/文:Ken704
《温拿38大躍進演唱會》Live Blu-ray
The Wynners溫拿為慶祝出道38周年,特別揀左係農曆年開Show, 同時依隻Blu-ray都出左一排, 不過係自己屋企開Show就遲左! 點解呢?事源隻碟擺左好耐未拆, 當然唔係自己唔想睇, 而係一路習慣同老婆一齊睇,怕悶親佢, 終於一日鼓起勇氣問 : 不如今晚一齊温拿,點知佢一口應承,於是我地就一齊見証溫拿38年有幾多躍進了…….
一開始就以”喜氣洋洋”作出場, 充滿新年氣氛! 不過你唔好話, 睇依套Blu-Ray時一出場巳經見到大汗疊細汗, 件衫超厚! 你都唔好話唔辛苦! 值得一睇既係開場無耐有一個「The Wynners Love Story」環節, 5位成員一路唱歌一路互講大家既愛情故事, 更有呀強開金口唱”沉默是金”. 先唔講唱功. 簡直貼題又抵死!
中後段既温拿五虎搖身一變換成搖滾巨星狂嗌”愛到你發狂”, 隨即唔少得更有Hacken加入派對大唱大跳兼埋利事! 氣氛開始高漲, 唔少得當然唱我近來鐘意聽既樂壇風雲Medley, 其中唱出多首其他組合既手本名曲,包括有245141525版主最讚既歲月無聲, 更有耍太極既紅色跑車等等等等….. 尾場更找來Mr.同草蜢大唱”補風的漢子”同”朋友”作為Encore環節, 跟著成個Concert便完美結束了!!!!
其實你地睇完以上我所講既都係一D好熱鬧好開心既野, 但你睇晒成個Concert之後都有D感動! 尤其如果你有睇現場, 一定深深被感動!!
最後呢, 大家估下我老婆話陪我睇但大家估下佢有咩反應????
A . 訓左 B. 咩都唔講 C. 你地幻想下
討論區原文：http://www.post76.com/discuss/viewthread.php?tid=75850&extra=page%3D2
