前言 –
係上年, 問代理借左部OPPO BDP-83SE返來, 一心以測試既心態去玩呢個新品牌, 點知一係插, 擠左真係非常之唔願意”蚊”返出黎, 但藉機既野, 永遠都係好陰公, 因為就算係咩情況下, 都一定要還左部機先既, 就係咁, 好快小瑟又要用返自己部過氣機皇 Panasonic BD30勒………..~_~
如是者, 日復日, 月復月咁, 藍光市場百花齊放, 好多唔同既品牌都推出左好多價廉物美, 功能齊備既藍光機, 當然, 比左小瑟非常之好印象既OPPO都有推出新機, 但藍光市場上, Pioneer LX54, 馬仔UD5005, 龍仔BDP-1611UD, 同埋係76討論區內, 討論異常強勁既菲記BDP-9500, 都叫小瑟花多眼亂, 舉棋不定, 曾經試過差一小步就可以將菲仔9500囉返屋企, 不過到最後始終都係遲左一步, 囉唔到全新貨, 雖然都好多師兄同小瑟講, 其他 DISPLAY都冇咩所謂, 最緊要有行保, 不過小瑟始終都希望今次再買家中主力藍光機, 可以一手一腳, 買部新機返來, 一嘗一手車主既滋味, 同埋最大問題係, 菲仔DISPLAY機個價, 同我係FORUM上睇到大家入手既新機價, 真係一模一樣……….係呢個理性大過感性既情況下, 最終都係冇入手, 如是者, 又等多個幾二個月………….眼見好多網友師兄都出BLU-RAY機開箱文, 小瑟心內真的不是味兒……………………….@@!
之後去到5月中, 76同香港代理傾開大家都好希望可以攪到團購, 咁小瑟一心都係不如等埋大家團購一齊入手啦, 今次我唔再藉機勒, 借完, 試完, 中哂毒, 又要”蚊”返出黎, 唔制, 反正都預左買機, 一於團購時一齊入手啦…..點知有一日, 比”老細招左入房“之後, 就一條氣咁去左旺角買返屋企勒~~XDDDD
開箱文 –
今次仲有藍芽無線接收器跟埋, 一於連LAN線都唔洗插呢~~~^^!
REMOTE搖控器方面, 同上代一樣, 四四方方, 膠感什重, 同我上年講既對白都係一樣, 小了一份高級機有既” 貴氣”………..但按鈕既設計都算要順心, 算數啦~~~~~~~__~~~~~~~!!!!
依家出既BLU-RAY機, 冇左呢個”3D” 既LOGO, 點掂呀…….^^~
QDEO, 呢個名真係瘋魔萬千AV少男少女呢~~~
何解最終都係”它”? –
咁究竟點解係咁多部BLU-RAYPLAYER中, 最後都係選擇返 OPPO BDP-93呢??? 因為小瑟係幾個月來, 不停爬文, 睇影音週刊既期間, 其實小瑟已有打算, 心中暗暗決定入手呢部OPPO BDP-93, 原因真係好簡單, 就係C/P值好高, 4千幾蚊可以玩到雙HDMI, 而且仲有Marvell 第二代Qdeo Kyoto-G2作視頻處理(有留意都知, 菲仔9500之所以可以無啦啦一野彈起, 呢粒CHIP絕對係應記一功呢~~^^), 又有3D, 又可以升頻DVD, 又可以聽SACD, 仲可以睇埋FILE檔, 什麼 MKV呀, DIVX呀, MP4呀, TS, WAV, 連Blu-Ray原碟備份都可以照 PLAY可也, 夠哂大小通吃勒卦.XDDDDDD
最誇張就係, 佢連SRT字幕檔都可以食埋, 真係一部頂我二部(我部爆谷C200差小小真係可以返歸了!!) 而仲有一樣最最最緊要既係, 佢可以讀到我亞囡最心愛既卡通VCD, 仲可以作 1080p輸出, 喂, 大佬, 打左咁大炸野, 我講到講到口軟, 講緊既都只係HKD$4千幾蚊, 我眼睇依家市面上既所有藍光機, 都未可以有哂全部咁多既野係一身, 再加上係上年玩過 83SE既經驗, OPPO機LOAD整之快, 鑊氣小, 所以最後都係……………..仲講, 快快係我未將部機插線入櫃之前, 一於打開佢既機蓋, 影餐飽先!!!!!^,^
整張正正經經既機後相, 第日再需要時就可以睇返D位置勒~~~~^^
今次OPPO BDP-93已經放棄左用獨立2CH既RCA輸出, 換上既只係一套過既 7.1CH輸出, 但雖然係合併左做一個7.1輸出, 但其實睇返下面我見佢份PCB版內既設計, 都有7粒電容係專門負責佢地既輸出, 所以我相信係93上既模擬輸出其實都經過一定性既優化, 咁當然, 如果你係屬於 HIFI音響既發燒友, 咁93就未必滿足到你既要求架勒, 黎啦, 95等緊你架勒~XDDDDD
雙HDMI輸出, 就正正係93最殺食既地方, 而呢個HDMI1, 就係有最強既 Marvell Qdeo Kyoto-G2 chip 作全支援既輸出端子勒~^^!
內部寫真 –
好勒, 正式開箱驗明正身先, 一於同佢既內部影多幾張寫真先~~~^_^(CLICK相可放1920解像度!)
首先右邊深啡色既PCB就係電源供應部份勒, 而左邊大大片L型既就係數碼處理部分, 即係HDMI呀, 光纖呀, 同軸呀, 都係係哂果炸野入面, 左電源下既就係模擬 7.1輸出部份勒~~
至於中間部份…………………………………………..喂., 唔洗我介紹勒卦, 唔通係洗衣機咩~XDDDDDDDDDD
好, 鏡頭一ZOOM, 好吸引小瑟既就係呢份電源, 一套好既影音系統, 永遠都係原頭行先, 源頭講到尾都係電, 所以部BLU-RAY機既電源設計得好唔好, 用料正唔正, 直接影響左聲畫二方面!!!!
電源線左邊既FUSE, 焊死左係PCB版上…
黎到”水塘”部份, 台灣SU’SCON, 小瑟冇讀過電工, 不過聽D師父講, 水塘睇佢大大粒, 衰極都有個普既, 而且 SU’SCON 呢個牌子係行內都有不俗既評價的!!!!!
下面果粒, 就係Marvell Qdeo Kyoto-G2既處理器, 所有既畫面細緻度, 清晰度, 雜訊控制, 色彩, 對比, 銳利度, 都係全賴呢粒Qdeo幫手架~~~
呢面呢粒CHIP本身係有一大片鋁片蓋住既, 之但係我都開得箱, 冇理由唔開埋塊片睇下內部架, 開左之後, 原來 OPPO粒 OP8531多媒體處理器, 部93之所以可以認到 Blu-Ray, DVD – Audio, SACD, DVD, VCD, CD, HDCD, 相片CD, AVCHD, MP4, DIVX, MKV, TS, WAV等等咁多種唔同既格式, 都係多得呢粒強勁既 OPPO OP8531呢~~~^^
呢份就係我上面講到既模擬輸出既PCB板勒, 大家可以見到其實呢份板既設計同走位, 都非常整齊企理, 我相信 OPPO方面應該都係有心機係模擬音效上下過一番苦工呢~~~~^^”
好勒, 開箱文開到呢度都差唔多, 再唔開機我自己都過唔到自己, 好心急呀, 開機先~~~^^”
今次我既接駁同小瑟現有既器材如下既 –
OPPO BDP-93 (HDMI 1) -> Qed Performance HDMI -> PHILIPS 42PFL9664H LCD TV
OPPO BDP-93 (HDMI 2) -> Qed Performance HDMI ->ONKYO PR-SC5507 -> Audioquest HDMI-X -> PHILIPS 42PFL9664H LCD TV
OPPO BDP-93 (RCA) -> PE LAB RCA -> ONKYO PR-SC5507
小瑟現有器材 –
LCD TV: PHILIPS 42PFL9664H LCD TV
Pre-AMP: ONKYO PR-SC5507
POWER-AMP: Emotiva XPA-5 5 Channel Power Amplifier
BLU-RAY: OPPO BDP-93
MEDIA PLAYER : Popcorn Hour C-200
SPEAKER : Blue Sky Media Desk 5.0 SYSTEM
SUBWOOFER: Velodyne Impact 12
SPEAKER CABLE(5ch) : Gothem 50025
HDMI CABLE: Qed Performance HDMI
HDMI CABLE: Audioquest HDMI-X
HDMI CABLE: BJC Series 1 Beldem Bonded -Pair HDMI
XLR CONNECTION: PE LAB XLR 5.1 CABLE
POWER CABLE: Northwire 18A / Ortofon 3900 Silver / PE Lab ST / PE Lab AS / PE Lab E-FORCE
POWER BAR: PS AUDIO Juice Bar Extender
開機導航 –
第一次開機, 的確係好貼心既導航系統, 好似PS3咁, 唔洗你慢慢入去SETUP MENU慢慢攪, 佢帶你一次過去SET哂 “基本” 必要既設定先, 呢個其實可以另第一次玩BLU-RAY機既師兄可以更易上手!!!!^^
呢個唔洗問, 如果你都好似小瑟咁,二個HDMI位置都插哂既,咁 HDMI1一定係你既 PRIMARY VIDEO輸出啦~~^^
之後就設定解像度勒, 呢個基本都係一合選擇啦, 1080p, 如果你有機會需要選其他果D, 恭喜你勒, 你應該好快就有新玩具玩勒…………………..因為夠鐘換你既TV/投射勒麻~~~XDDDDDDDD
呢個會提示你, 解像度轉換時, 如果你係見唔到有畫面既, 就咩都唔好攪, 因為冇畫面即係代表你既TV/投影機係唔支援你選擇既解像度勒~~~~~~
跟住就到聲頻既設定勒, 如果所有器材都係支援 HDMI1.3或以上既朋友, 就要選用 “Advanced”勒, 咁以下既, 你地就識做啦!!!
攪掂哂, 一個大大既 OPPO LOGO就走左出來…….入碟勒喂!!!!!^^”
機內項目 –
咪住, 唔洗咁心急, 小瑟不嬲玩新機, 都鐘意慢慢嘆既, 先入去MENU位置睇下佢有咩特別野可以 SET先, 事關好可能有D正野係一開始既導航 SETUP冇提及架麻, 點都要入去睇一睇, SET到最正先正式開機!!!!!^.^
PLAYBACK SETUP, 如果聽SACD既, 就要SET下勒, 以下就係依家小瑟既SETTING!!!! 部ONKYO5507 SUPPORT DSD, SACD又點可以唔聽呢~~~@.@
VIDEO SETUP, 呢個一定要SET啦, 以下又係小瑟依家既SETTUP, 小牙冇 3D TV, 所以 3D TV SIZE一欄我係亂填的~~XDDDDD
有雙 HDMI輸出都不特止, 原來仲係可以分別調校二個HDMI既PICTURE ADJUSTMENT的, 都幾細心啦!!!!
走入DISPLAY OPTION睇下先!!
呢度咁多樣野, 小瑟只係對 SUBTITLE SHIFT有興趣, 雖然小瑟係用16:9既LCD TV, 不過我知好多發燒友都會用上下冇黑邊既21:9 電影格式既投影機, 所以呢個功能對好多用家來講, 係非常之實用既, 等我試下係點用既先!!!!
上下有10度既設定可以調校, 0係基本位置, 即係字幕 “踩” 住黑BAR既位, 而一路向上調, 就可以將字幕升高勒~~~~
0 度位置.
+5 度位置.
AUDIO FORMAT SETUP果D, 係對唔係用HDMI輸出既設定先有效, 小瑟伙用HDMI, 所以入面都冇咩好攪, 另外係呢個AUDIO PROCESSING內, 又有個CROSSOVER 同 DYNAMIC RANGE CONTROL二個 OPTION, 究竟呢二個 OPTION 有咩用架呢?? 又同HDMI既音效有冇關係架呢?? 小瑟試過改CROSSOVER, 好似冇咩反應, 感覺唔到聲音有任何變化, 而 DYNAMIC RANGE CONTROL呢合, 我ON 同OFF 佢, 聲音都會窒一窒, 好似更新占設定咁款, 咁究竟呢個功能同HDMI有冇關既呢???
係小瑟兜口兜面去問代理, 而代表又幫我問返 OPPO中國既工程師後得出既答案係……………………….”對HDMI音頻冇關係既XDDDD”….~_~!
之後其他下面既設定基本上都同聲畫布咩直接既關係, 所以我決定 SKIP左佢~XDDDDD
開始測試 –
今次我想做測試既BLU-RAY有以下幾隻, 主要係分左 “演唱會”, “爆得”, “畫汁”, “NOISE控制”, “黑位處理”, 呢幾個大範圍去作出小小既測試.
OPPO 機出名反應快, 由83SE到依家呢代都未有改變, 93一樣都係以快速反應見稱, 但93比83SE時既分別就係今次所有既MENU SHOW出黎時係以漸顯形式彈出的, 比83時代一野就彈出, 明顯多左一份高價機既優雅呢~~^.^
蝙蝠俠- 黑夜之神英版:
呢套真係例必一定要試既, 因為 IMAX既畫面, 的確係起到示範既作用, 尤其係香港捉人果一段, 絕對係非常之考驗顯示器材既黑位出唔出到既最好標準!!!
平時都唔覺香港咁靚既~~XDDDDDD
就係下面呢個場口, 光暗對比度非常之高, 而係93重播之下, 成個BATMAN既身影細緻位置都可以一一睇到, 絕對唔會痴埋一舊, 足可見93對黑位既處理係QDEO既晶片發揮下, 非常之稱職. (當然我地PHILIPS 9664都應記一功啦~XDDDD)~~~
而係音效方面, 93都係同上代83性格一樣, 以埋身肉博型既環繞同打心口既量感取勝, 當BATMAN係DISCO同人埋身肉博時, DISCO既音樂夾雜住拳腳既打鬥聲, 雖然環境音樂聲嘈雜但又唔會另人覺得有炒耳既感覺, 真係另人非常有投入感, 岩哂小瑟鐘意埋身戲院感既要求呀~~~呵呵~~~~^,^
EASON DUO 2010 LIVE (陀飛輪):
用HDMI輸出呢個EASON既DUO 2010 LIVE, 係唱出陀飛輪一曲時, 係DTS-HDMA出來的音效比較躁, 音色感染力不足, 音樂既感情比較生硬, 其實呢個情況係任何一隻香港出品既演唱會BLU-RAY, 都有同一合問題, 之後再試試轉為用 PCM輸出, 今次好小小勒, 音樂感好返唔小, 感覺就好似一頭野獸本身比人困住係個好窄既籠內(DTS-HDMA)同依家比人放左出籠咁, 但轉用PCM都仲係欠一點點真正音樂有既餘韻感………….咁點解小瑟仲要搵呢段來試呢?? 冇計, 因為係上年 Pioneer LX-83時, 聽呢段比我印象真係好深刻, 音樂中充滿感情, 舒服自然, 我估唔到原來香港既LIVE BLU-RAY都可比到我有 “甜” 既感覺, 真係……………..
喂……………醒下勒喂, 上次Pioneer 用左過百萬既影音器材, 小瑟你果套………………..返火星啦, 地球好危險架….!!!!
不過小瑟本住反正都插好哂線, 以試驗既性質去試下不如用RCA立體聲去聽多一次, 睇下又會有咩野既效果丫…………….估唔到, 由模擬輸出2CH既陀飛輪, EASON把聲竟然比到我小小毛管動感覺, 係最高音既申延位, 竟然都比 HDMI 既DTS-HDMA同PCM好, 真係估佢唔到喎, 不過如果調返轉頭講, 包圍感就始終同 5.1既效果二個世界勒, 但如果以呢個玩法推落去, 我將 93插哂 6條RCA線入AMP, 行模擬輸出5.1, 話唔定會有一番新景象喎~~~~~~~@@!!
強戰世界:
大家都知道, 呢套戲既導演係用畫面非常超多粗微粒去表達電影中既寫實感覺既, 而本來我除左試呢套強戰之外, 小瑟仲諗住會試埋我地香港既代表 “傷城” 測試, 但當試完呢套之後, 基本上都唔需要再試, 因為有睇過 “傷城” BLU-RAY既朋友, 都知道呢隻碟既音效做得係唔夠自然, 同強戰比跟本就係唔多洗比, 所以我試完呢套之後, 就冇再試埋傷城勒!!!
大家都知道, 呢套戲最強既場口莫過於外星人岩岩來既時候, 尤其係外星人由地底殺上地面果段, 用黎試低頻就FIT哂, 先講返個 NOISE先, 一樣係咁多, 一樣係咁粗, 不過呢個係碟既問題 , 同部機冇咩關係, 但色水方面就真係好, 同埋立體感都唔錯, 而聲效方面, 由開始地底裂開開始, 由頭到尾個 SUB仔都冇咩停過, 環繞聲既包圍感又一次比到小瑟滿足既感覺!!!!^.^
而去到下面呢個位置, 小瑟就想試試究竟, HDMI1 同HDMI2既分別, 係咪真係有分別呢??? 經過小瑟停格之後, 再轉台比較之下, 下面圓圈位置既人面同衣物既對比度, 係呢個小小既42″ LCD TV下, 都可以睇到有10%左右既增長, 係HDMI1既畫面, 係可以見到多一點點既DETAIL位的, 而 HDMI2, 就相對冇咁清楚了, 而其他既SHAPR, 色彩度, 就大致差唔多, 唔見得有好大分別. 所以, 行雙 HDMI始終都係有一定既優勢既. ^^”
另外值得一提既係, 大家係設定 HDMI OPTION時, 記得去將下面紅圈既VIDEO ONLY (HDMI1) 由ON轉為 OFF, 因為佢 DEFAULE係 ON既, 如果你冇留心, 可能電視機又會同步出聲, 而部AMP又同步出聲, 呢個對你聽時既感覺, 當然就唔好啦, 另外如果個 HDMI1只需要係FOR VIDEO既話, 如果又開埋AUDIO, 咁變相又失去左雙HDMI 對畫質作出最全面優化呢個最重要既優勢呢~~~!!^^
告白:
有睇過呢套戲既朋友, 都知道呢套戲係非常之黑同灰既, 雖然港版唔算做得好好, 不過又未可以話係差, 所以都你可以一試既, 由一開場松隆子係班房講野開始, 畫面係以灰白及偏藍為主調, 係93演繹上可以講係毫無難度, 光位同灰位都出得非常自然, 媚唔覺有含糊既情況, 之後我地轉跳到另一女主角係黑夜中行出黎一幕, 小瑟熄哂屋企既燈, 由頭開始睇到個女仔行埋黎, 嘩…….立體感豐富我有小小毛管動佢好似想行出黎咁, 喂, 真係講落我都有小小驚呀@@!!!! 而之後最後一場松隆子一路行一路喊果幕, 雖然環境畫面係非常之黑, 但佢身後既草牆係絕對清晰可以睇得清楚既. 係93下從看呢套告白, 竟然可以比我更加陰森既感覺………..e~~~~講落都仲有小小驚呢~~~##!!
DVD測試 – 回塊夜:
BLU-RAY方面就試得7788勒, 係時候試下用93來睇DVD, 睇下畫面又交唔交得足功課先.
今次搵黎全部人返到管理處一幕, 貪佢夠哂光猛, 可以試清楚個升頻之後既結果, 你知啦, 如果搵黑位試, 話哂都係DVD, 試來咪只會囉黎攪, 唔通我同大家講, 升頻之後D晶格SHARP左好多咩~XDDDDD
所以搵呢幕就最FIT架勒, 係上代OPPO既升頻技術, 其實我個人覺得都已經叫到去盡左架勒, 而今次其實都係同上次差唔多, 人面清晰度叫做可以接受, 如果再SHARP D就更好, 而顏色方面就比較好喎, 色彩偏向鮮艷奪目但又唔會爆, 算做交到功課有交代啦~~~~
試聽歌:
小瑟手上有既聽聲CD唔多, 因為小瑟唔算係 HIFI 發燒友, 所以如果計試聽歌, 小瑟一定會囉呢隻1年1度既原音精選既SACD出黎, 但因為小瑟聽歌向來都係以歌行先, 而小瑟只係市井之徒一名, 所以呢隻原音精選上, 除左二隻王菲既歌之後, 就已經冇咩歌岩小瑟聽, 所以今次小瑟就囉多一隻我最鐘意經常囉來聽既CD, 呢隻就係幾年前番出既 BEYOND精選DSD CD, 今年有哂 BEYOND當日轉投華納之後既好多作品, 當年佢地去左日本, 日本既錄音水準, 真係有一定既表現, 雖然有人話日本仔錄音, 高音係會標, 不過呢隻我就接受到, 仲成日炸機, 所以小瑟點都會囉埋來試呢~~~^^”
係聽所有既歌既時候, 大家除左要SET AMP既 PURE AUDIO之外, 記得按埋部93既 PURA AUDIO既制呀, 咁樣所以機內既視頻元件就會關閉, 對聽音樂既干擾又可進一步減低, 至於係咪真係聽得出分別, 呢D野好個人, 不過我就可以好肯定, 熄哂D VIDEO既野, 心理上一定嬴哂先~~XDDDDDDDD
小瑟聽SACD時, 就用HDMI模式去聽既, 高中音比較乾, 極高位置感覺力不從心, 有小小”了”既感覺, 雖然細緻度好好, 不過欠缺感覺, 感覺唔夠圓潤, 效果一般, 另人冇左想聽落去既意欲……………
但轉上用RCA, 只出2CH時, 情況就大為改善喎, 高音申延尾音有返, 去到極大音壓時既高音明顯好返一大節, 係好到非常容易就可分別得到咁大, 音樂感同連貫性都好返好多, 尤其係王菲把聲, 去到高位時之前明顯 “了” 既感覺都小左好多, 但當然唔可以話完全冇哂, 但如果以聽歌來講, HDMI同 RCA可以話係相對有 50%以上既進步的, 效果係異常明顯架喎~~~ 再試 BEYNOD既 “點解點解”, 音樂打鼓部份係力度十足, 家駒獨有既”沙ROCK聲”, 係加添左一份豐富感同力量感, 成首歌一路聽, 就算你唔係家駒既FANS, 我相信都一定會UN 足全首, 有套鼓係身邊, 我真係想打埋一份, 估唔到用RCA聽歌, 原來係比 HDMI好咁多, 又一次證明, RCA 的確係對 “音樂” 呢樣野, 係會產生非常化學既作用呢~~~~~XDDDDDD
試 MY NETWORK:
今次呢部93, 除左傳統既光碟表現另人津津樂道之外, 相信大家係76討論區內, 都已經有討論過好多有關經網絡或USB睇各式各樣既高清檔案了, 而係小瑟試機同打呢個小報告呢幾日內, 我都收集同試驗左好多種唔同既玩法, 睇睇究竟呢部 OPPO BDP-93除左睇碟勁之外, 究竟睇 FILE又有幾醒…………………呢???^.^
首先, 當然係試左個WIFI連接先啦, 反正佢都送左比我, 唔用咁浪費???XDDDD
大家只需要屋企有WIRELESS ROUTER, 再係NETWORK SETUP度, 入呢個WIRELESS SETING度, 將你既OPPO93連接入你既WIFI NETWORK, 咁好多既 FILE, 都唔一定要用USB去連接架勒!!!!
當然連左INTERNET之後, 你仲可以 UPDATE埋個FIRMWARE呢~~~~
因為小瑟不嬲都已經有部 NAS去將所有既CD音樂檔, 舊的DVD影像同BLU-RAY碟, 都有機會會備份到NAS上, 以軟件方式儲存, 原因好簡單…..方便丫麻~~XDDDD 小瑟有部爆谷C-200, 唔用盡佢咪好浪費????XDDD
提提大家, 如果大家想將你放 FILE既 SERVER或 NAS作 網絡分享方式供 93使用, 記得要係你既SERVER 或 NAS 開啟 “DLNA多媒體伺服器” 呢個功能, 有玩過 PS3既朋友應該都會知, 呢個功能係方便所有不同既多媒體器材作出串流播放同連接既, 所以如果唔開放呢個功能, 你部93係唔會搵到你既 FILE SERVER架!!!!
係小瑟既測試中, 同好多雜誌測試得出黎既結果一樣, 有好多繁體中文字有未能顯示既情況出現, 但係播放呢D FILE名有問題既檔案時, 就絕對係冇問題, 可以正常 PLAY到既. 呢個應該係 CODE既問題, 希望佢下個FIRWARE可以改一改支持哂所有既BIG5同UTF8既CODE, 咁就應該會冇問題架勒~~~~
而小瑟亦都試過以 WIRELESS既形式去PLAY NAS中既 MKV檔, 而在MKV檔上, 有埋SRT字幕檔係同一個 FOLDER內, 睇下究竟可唔可以出到字幕呢??? 答案係唔可以既, 但大家都唔洗擔心, 近日我地FORUM就有一位師兄 “gary0827″, 出過 Post去教大家點樣可以另部93都可以支援到 SRT字幕, 大家有興趣既朋友, 不訪入去睇睇, 順便幫小瑟去讚下 gary兄好嗎~~???^^”
[藍光播放機] 用Oppo BDP93播放MKV顯示繁體中文字幕的方法 (gary0827)
http://www.post76.com/discuss/viewthread.php?tid=73154&fromuid=4
另外小瑟又發覺, 如果之前 SET左 TV ASPECT RATIO比例為 16:9 WIDE呢, 睇 MKV FILE時, 就伯拉長左個畫面, 冇哂上下黑方的, 一定要將合比例轉返做 16:9 Wide/ Auto 先可以正常返的~~~~
試完呢樣之後, 當然就係唔小得成隻BLU-RAY咁大既 BDMV FILE, 究竟係咪真係可以 PLAY到呢??? 經過小瑟反覆試過, 93係唔可以經NETWORK 入NAS PLAY BDMV既, 就算已經用左個 AVCHD FOLDER裝起二個 FOLDER, 都係PLAY唔到既, 想 PLAY BLU-RAY碟原裝備份出來既檔案呀??? 請一定要用 USB外置硬碟連接93先可以, 仲要記得係你備份出黎既 BDMV 同 CERTIFICATE FOLER既上一層, 開多個叫 AVCHD既FOLDER去裝住果二個FOLDER, 先可以睇到既.
係咪聽落好似好覆習呢??? 其實做落非常簡單, 大家可以睇下面既STEP BY STEP啦~~~~^^”
1. 將你的BLU-RAY碟作出備份(詳情我唔教勒, 大家上網搵下啦~^^), 就會見到下圖既二個 FOLDER.
2. 之後係任何一個地方, 開一個新既FOLDER, 叫 “AVCHD“.
3. 將剛才備份出來既二個 FOLDER, 抄入呢個 AVCHD 既FOLDER內面.
之後你再將裝有呢個 AVCHD既 USB硬碟, 插入93上, 再按 HOME MENU, 搵 MOVIE, 就可以見到呢個 AVCHD FOLDER, 你入呢個AVCHD FOLDER, 就可以睇到正正式式既原版藍光碟架勒~~~~
就係因為佢仲未可以經 NETWORK好容易咁就睇到BDMV既藍光光碟, 所以我話, 部爆谷 C200真係差小小就返得歸架勒~~XDDDDD
後記:
估唔到事隔一年, OPPO 既新機又可以比到各位非常之新奇, 好玩同有趣既體驗, 上代有玩過83既朋友, 究竟要唔要升級呢?? 答案唔洗我講, 大家都應該心中有數, 但 83SE既用家, 又有冇需要升級呢??? 呢個我又覺得如果升去93跟本就唔岩數, 今次 OPPO 既產品線明顯想簡化二類用家,第一, 就係主力只用 HDMI睇戲而聽歌只係副歌既用家, 第二, 就係睇戲同聽歌都非常之有要求既影音發燒友, 小瑟未試過 95, 我唔敢講95好定唔好, 不過以 95有齊獨立 RCA模擬輸出組件及 XLR平衡輸出都有, 我諗小瑟唔講, 大家都早已清楚了解. 咁究竟 93係咪大家既需要, 呢樣野就真係好睇大家口味, 小瑟就喜歡家庭影院好埋身既感覺, 所以小瑟係選擇左BLU-RAY咁耐, 最終都係 93 就係呢個原因了!!!!!
如果大家都想同討論區上既各OPPO用家分享討論, 請到以下網址啦!!!^^
http://www.post76.com/discuss/viewthread.php?tid=73883&fromuid=4
申延閱讀: OPPO 93/95 光速Load HDD檔 , OPPO-BDP95 & BDP-93 中文說明書 , 用Oppo BDP93播放MKV顯示繁体中文字幕的方法 ,
