【76-FriendsClub】成立之後, 活動真係一浪接一浪, 相信好多人都聽過CAS, 但其實CAS係咩黎? 玩CAS又有咩好處呢? 所以係呢日, 我地聯同 【DMA泛音】舉辦CAS入門分享會, 並邀請到《耳機圖鑑》作者 Cato Mak為大家講解 CAS 系統結構，趨勢. 同時亦有數碼音響專家、錄音及母帶製作工程師 Kent Poon為我地介紹軟件, 器材配搭需知. 更有【HifiTrack.com】代表 馮禮慈先生簡介各種唔同高質素音樂檔案格式. 呢個甘強大既陣容, 當晚有份出席既朋友, 一定都非常滿意啦!!!^^”
當日活動詳情:
日期: 2011 年 4 月 20 日 (星期三)
時間: 1900 – 2030
地點: 九龍旺角山東街47 – 51號星際城市2樓233號DMA泛音舉行
費用: 全免
人數: 每場 15 人
示範器材:
解碼器：Weiss DAC 2
有源喇叭：Genelec 8020B
電腦：Macbook Pro
軟件：iTunes & Amarra
線材：由DMA提供
音樂檔案 （由 hifitrack.com提供）
而當日除左大會早已安排好既有源喇叭：Genelec 8020B之外, 意外地仲搵到 Adam A5X同場同大家表演一番呢~~~~
大會本來係冇呢15張凳架, 係知道我地既版友咁熱衷呢個活動之後, 專登去買來比大家可以舒舒服服有得坐呢…….(好彩佢地有買凳, 本來話要大家成20人企哂係度……如果真係要企, 真係唔知點算好囉~~~XDDDDDDD)
DMA方面亦都好細心地為我地既版友送出, DMA HKD$50元現金劵一張及一份有關CAS入門要點比大家. 方便大家進入毒海呢~~~XDDDD
搵到機會, 當然要同三位影返張靚相先啦~~~
左至右【數碼音響專家、錄音及母帶製作工程師 Kent Poon 】,【HifiTrack.com代表及資深樂評人 馮禮慈先生 】, 【《耳機圖鑑》作者 Cato Mak 】
當然, 76既活動一開始, 例牌都係介紹左我地工作人員同主講嘉賓先, 之後就當然我地76既自己友既自我介紹啦~~~^^
《耳機圖鑑》作者 Cato Mak
首先一開場就由 Cato正式同大家介紹一下, 咩係CAS勒, 不過因為 Cato兄當日身體抱恙, 喉嚨方面唔係咁舒服, 所以狀態方面難免有小小落差, 但咁樣都不損我地聽書時既心情呢….你睇下我地聽得幾開心~:-P~~~~
聽完CAS既理論之後, 我地就用左官方既示範器材解碼器：Weiss DAC 2, 有源喇叭：Genelec 8020B, 電腦：Macbook Pro, 軟件：iTunes & Amarra來聽左第一首歌, 係側田既兩個女人, 而我地亦都決定叫 Cato唔好話比我地知係咩訊源先, 等我地聽完再估下…………..點知………….聽完場內有9成既版友都估呢個係CD訊源來, 但原來呢個竟然已經係 24/96既訊源…死火, 唔係卦………..而呢一刻, 小瑟睇左對 Adam一眼, 心想, 點解唔用佢呢??
數碼音響專家、錄音及母帶製作工程師 Kent Poon
聽完一首側田之後, 就到左 Kent兄既環節, Kent兄係一位勁資深既數碼音響專家、錄音及母帶製作工程師, 由佢主講既環節上, 我只可以講一句, 聽得大家如癡如醉, 事關佢見多識廣, 去過好多唔同國家了解人家既錄音技術, 就好似某一個國際影音上, 佢提及到, 人地其他國家既所有音響訊源, 已經全部用上CAS系統, 而更誇張既係, 好多人既MAC BOOK, 已經唔係用釘用腳去避震, 而係玩磁浮……….聽到咁樣, 真係O 哂咀呢~~~@.@
之後, 我地就聽第二首係歌勒, 今次已經講到明係24/96既訊源, 不過器材都係同一樣, 而呢次, 我地就用上 Steely Dan 既 Time out of Mind, 我地聽完之後, 呢首真係似樣好多, 聲甜有味, 清爽明快, 聽完之後, Kent兄講, 呢首歌既錄音, 已經贏過無數咁多既大獎, 唔怪之得咁正啦!!!!^.^
【HifiTrack.com】代表 馮禮慈先生
最後, 我地就到左馮禮慈先生同大家主講勒, 我夠膽講, 當晚有過半數人士, 除左想學玩 CAS之外, 就係想一睹馮老師既風彩, 小瑟係當晚, 已經聽左不下3次, 有人話由細細個已經睇佢寫既碟評睇到大, 而當晚, 馮老師亦都同大家分享左好多佢推廣高質素訊源既好多冇咩人知既事, 好似同唱片公司洽談偶到既問題啦，Sony唱片係全球咁多個國家, 只係比我地香港可以有 24/96既訊源供大家下載啦, 仲有雨果唱片既易先生全力協助推廣高質訊源等等, 都另大家上左音響界重要既一課, 而估唔到既, 就係馮老師原來都幾風趣, 另到大家都非常之開心架喎, 尤其佢講將D CD轉哂電腦檔案, TWINS果PART~XDDDDDDDDD
最後, 我地就聽埋最後一首歌既, 今次我地點都要佢駁埋隻 Adam A5X試下, 冇理由擺左係度唔聽架麻~~~ 第三首就用上Marta Gomez 既 La Flor, 呢次真係對哂辦, 而場中我都睇到唔小既版友既表情話我知, 今次先係佢地想要既 CAS系統呢……….不過其實玩呢D野, 又係一分錢一分貨咁啦~~~~呵呵~~~~~~XDDDDD
禮品環節
今次我地可以得到 DMA 提供場地之外, 仲可以得到由佢地送出既 3份耳機禮品, 大家都可算係有得聽, 有得玩, 有得拎呢~~~~^^!!! 而3份既禮品, 我地當然由3位主講嘉賓頌發啦~~~
最後, 我地當然又係例牌爭取大合照啦, 係呢個玻璃SHOW ROOM攪EVENT, 都係第一次, 好得意既係, 係我地分享會進行中, 有好多行街既朋友都不時望入來睇下我地做咩, 都幾得意架~~XDDDD
是次活動真係非常之成功, 而報名人數更加遠遠超過我地原先定下落黎既15人既規定, 最終報左名既有成53個咁多, 所以我地同 DMA方面, 已經商討幾時再有機會可以攪多幾場或者再搵一個效大既場地, 可以一次過比所有係76有興趣既師兄弟妹們可以再有機會同三位 CAS界既先驅面對面咁交流一番呢~~~^^!
睇完呢個報導, 大家都可以到以下會後討論上, 同一眾師兄們交流一下啦!!!
http://www.post76.com/discuss/viewthread.php?tid=68878&fromuid=4
