因為小瑟係做 IT 既關係, 對呢套講述 INTERNET 世界上的傳奇網站, Facebook 呢個爆發速度, 以超光速發展既網站既發展經過, 係非常非常之有興趣既, 而早係電影上畫時, 其實已經好想去睇, 不過一來因為冇時間, 二來又冇人陪既關係(小瑟老婆唔LIKE睇……~_~)最後都係冇睇到, 依家行版既BLU-RAY終於都推出, 梗係要整隻返來睇下正唔正先啦~~~^^”
影碟包裝 –
係岩岩完結左既金像獎中, 大家都知道呢套電影只係囉到三個獎, 分別係[最佳改編劇本], [最佳剪接], [最佳電影配樂], 而呢張貼紙亦都講得好岩, “讓大家一同見證 Facebook 歷史的誕生”, 如果你都好似小瑟一樣, 對網上文化有興趣既, 呢套戲, 你應該唔會覺得悶的呢~~~
呢張影碟都係附有最高規格既 DTS-HDMA音效, 以呢個音效模式去欣賞電影, 當然係至高既享受啦~~^^”
未開封前, 同佢影多張相先得~~~^.^
盒內既封面, 係同紙套既一樣既. 小瑟未有細心睇過其他國家版本既封面, 不過以我所見, 美版既藍光碟應該就係同港版既一樣, 不過封底就有小小唔同.
就小瑟所見, 行版既封底SPEC方面係比較仔細既.
打開碟盒…..喂…..唔係冇碟下嗎???????????????
當然唔係啦, 我只係想影張相比大家睇盒內既圖片原來都係以生活寫照既形式去記事, 其實真係非常之切合Facebook 呢個好生活化同人性化既形象呢~
碟一就係正片電影內容勒.
碟二就當然係特別收錄啦.
影碟內容 –
好勒, 睇完哂成隻碟既賣相之後, 開埋封, 當然就係入碟去片啦, 呢隻碟LOAD碟都唔算耐, 以小瑟部陳年BD30來講, 好快就可以睇到呢個畫面, 而LOAD碟時, 呢個畫面會由灰色LOAD到變彩色, 制作人都幾有心思呀!!!!^.^
優雅的功能表 –
跟住就係進入既功能表勒, 功能表設計都係非常之簡約, 當你未睇過套戲時, 你會唔知呢炸野係咩, 不過當你睇完套戲之後, 你LOAD返隻碟睇, 淨係睇呢段功能表既畫面, 都會有會心微笑既感覺, 因為呢度既每一個地方, 都係片中會出現既場景之一, 而制作人就係同一地方再以拍風景既方式去拍攝, 唔知邊個人去負責構思呢個野既呢, 真係應記一功, 因為小瑟竟然可以開住個MENU係度睇…………等佢逐個慢慢轉, 轉到睇哂為止……我女人問我係咪痴左線, 入碟睇風景~~~XDDDDDD
*按圖片可以放大圖示
值得一提 –
睇完功能表之後, 當然係入去電影既內容啦. 小瑟同大家講碟評, 講電影, 不嬲都唔鐘意講內容既, 因為講多講小比你知都好, 你都會對部電影投下左先入為主既印象, 所以今次都唔例外, 我唔會講好睇定唔好睇, 內容係講咩, 但有D位我覺得幾得意既, 好似一開場呢段對話, 小瑟希望大家可以坐定定睇, 因為小瑟要睇二次先真正聽到男主角講咩~~XDDDDD
聲與畫 –
而本碟既畫面基本上都係合格既水準, 大多數場口都非常之SHARP, 而且本片暗位場面又整多, 如果你既電視或者投射係黑位上做得唔係咁好, 一睇呢套戲就會好出事, 因為你會見唔到好多應有既細節, 不過當然, 呢D戲都係以對白同拍攝手法為主, 所以音效方面想炸機既人就SORRY勒, 小瑟可以同你講, 成套戲係一段炸機位都冇既, 呢套真係純粹係以戲論戲, 以劇情張力同故事去吸引大家的!!!
特別收錄 –
好勒, 講完正片電影內容, 我地就黎講下隻碟二勒, 小瑟平時好小睇碟二既收錄既, 因為點解…..唔知點解, 就係冇咩興趣, 況且有好多收錄都係冇配上中文字幕架麻, 所以多數都係唔會睇的呢~~而呢隻碟LOAD碟時, 都係同碟一一樣, 會由灰色LOAD到彩色的.
LOAD完碟之後, 入到去主功能表, 基本上設計係同碟一又係一樣既, 只係下面既MENU選項唔同左, 頭果二個一陣先睇, 依家入去睇下字幕度有冇我想要既繁中字幕先.
E~~~E~~~~ 竟然呢隻有中文字幕喎, 唔知佢D字幕會唔會係真係3個鐘既內容都有呢??? 入去睇下先!!^.^
整個碟二既內容都係以高清收錄, 由拍攝現場至後台都有拍到比大家睇, 而字幕方面, 小瑟雖然真係冇睇哂3個鐘既內容, 不過以抽睇既方式去觀看, 所有既內容都係有齊繁中字幕, 呢次行版都真係算係值得一讚呢.*_^
呢段小瑟就覺得好過引, 導演以二個角度比我地睇到究竟係電影入面見到畫面, 佢地拍攝果面係點樣既呢? 原來荷理活拍電影, 就算係講電話都好, 電話入面既”對手”, 都係要埋電場真正同個對方講, 唔係後制配音的, 好過引呢~~~XDDDD
後話 –
大家可能會問, 如果對Facebook 冇興趣既話, 咁呢套戲咪會好悶??? 其實電影中講述既故意同情節, 唔一定要係Facebook的, 可以係電腦, 電視機, 電燈泡, 因為其實故事只係借 Facebook呢個事件, 來話比觀眾知, 當一個人, 發明出一樣影響左全世界所有人既野之後, 而衍生出黎既沖激, 包括人性, 友誼, 金錢, 權力, 法律, 好多好多人性真實既一面, 所以如果大家怕話自己跟本都冇玩Facebook, 會唔會唔知佢講咩呢?? 小瑟可以同你講, 就算你有玩Facebook, 都可能唔知佢講咩, 不過好多時, 睇戲就係咁, 越唔明佢講咩, 就越吸引人追看………但係大家可以放心, 因為就算唔明佢講咩, 都應該只係一D IT既用語, 而戲既內容, 絕對係唔會話悶到會另你想打爆個電視果隻既~~~~
*不過呢個當然只係我小瑟既個人觀感, 絕不代表大眾既心聲呢,
但如果大家都覺得呢篇野打得唔錯, 不妨又試係CLICK一下呢篇文章下面既
, 應一應Facebook既潮流啦~~XDDDDDD
如果你都想同大家討論一下本電影, 請到以下網址一同分享啦!!
http://www.post76.com/discuss/viewthread.php?tid=63714&fromuid=4
