由電影＂盜墓者羅拉＂開始，＂史密夫決戰史密妻＂至＂殺神特工＂，安祖蓮娜。祖莉名字仿佛已同（動作＋冷豔性感）等掛鈎 
。但上一套動作片＂殺神特工＂可能化妝關係，個人覺得娜姐漸露疲態，唔知今次呢套＂叛諜狂花＂會否回復昔日光彩？
今次呢隻藍光設有３個結局版本，發行商亦係”Facebook”設立＂睇。碟。樂＂不停更新影碟資訊及各項優惠。
影碟封面係戲中其中一個造型。碟內又有抽獎遊戲及多項優惠，呢類著數加強消費者購買意慾
。
各個版本分別：公映版本 / 導演加長版 / 另一結局版
動作場面親身上陣
畫面質素較預期理想
娜姐依然明艷照人
男人化妝維妙維肖
另一個不大喜歡的結局
觀後感：
唔好以為女間諜大多要行性感賣身材，今次娜姐就做個反面教材，除咗開場段被嚴刑烤問露兩手外，成套戲將身材全部收起晒，但絲毫不減娜姐味力，片中穿插昔日與丈夫結識片段，反而更專注娜姐演技。雖然係咁，但娜姐媚眼之間及一張朱唇仍然吸引。今次成套片可以用動作連場冇乜冷場形容。除咗頭段係高速公路飛車及跳車較誇張外，其他動作打鬥場面大多貼近現實，亦會見到娜姐唔錫身親身上陣。
全片畫質可用好字形容，除開首監獄片段雜訊較多及畫面偏黃外，絕無任何投訴。而動作場面則較平均，可以話任何一段動作場面都可試音效，只是沒有飛機大炮咁震撼。
個人不太喜歡另一個結局，都係原有結局好Ｄ，雖然故事結尾有點兒粗疏，但話唔定係舖定後路拍續集。綜觀整套戲水準，如果你係娜姐Fans，終於有套拍得住史密妻既＂叛諜狂花＂ 。
多謝收看
圖/文：SonSon
