２０１０年１２月２日 － §◎ Post76 八週年台慶版聚 ◎§
唔經唔覺，Ｐｏｓｔ７６已經走向八週年，想當年，我地由朋友式討論ＡＶ及玩樂興趣既ＮＥＷＳＧＲＯＵＰ到今日，成為香港人氣影音入門網站，好多師兄們都唔係好敢單人匹馬走入影音鋪，請求店員幫手試機，到今日７６已經聯同代理、商戶合作大搞影音器材體驗會比大家盡情測試，轉變之大，絕對係我地始料不及的．
回想第一年既版聚，一圍版友仔到今天發展到５圍總共６０人一同出席週年版聚，版友對我地既支持真係遠遠超出我地既想像，而開站的第一天，真係冇想過７６會有今天的成績，在此實在要對每天都上７６同各位師兄師弟們大力落毒既咁多位７６支持者，衷心說聲多謝，７６就係因為有你地一班，同網站理念同出一轍，都係以「尊重他人，理性討論」為目標既一眾師兄弟們，７６才可以有今日既成績，往後，我地整個７６管理團隊，向大家承諾，我地會繼續為支持７６既師兄們做得更好，放更多既毒，繼續勇於嘗試，為真正享受影音既你同我，帶黎更多大家意想不到既樂趣，目的就係為左可以另更多既師兄們，師弟們，進入呢個ＡＶ影音既萬丈深淵，好等大家可以係屋企都可以開開心心睇好戲，聽靚歌，咁大家既人生就會更美好，更豐盛，同家人關係更和諧，兄友弟恭，父慈子孝。。。。。（好明顯，筆者已經係飲大左ＸＤ）
好，廢話講完，我地不如一齊黎睇下當晚晚宴既盛況先！！︿︿＂
先黎睇下未開始晚宴前，成檯都係既獎品先啦！
係未開始晚宴程序之前, 我地電玩版版主阿定, 就囉左D正既玩具同大家一齊玩, 詳情大家可以到日前推出既 [Post76八週年版聚 – 番外編 “Kinect 比賽分享”]再回味一下呢~~
好勒, 係熱身一輪之後, 差唔多到 6:45分左右, 好多師兄們都已經到齊, 坐哂係度勒~~~
到 8:00左右, 晚宴正式開始, 先由 Wil-Wil 副版管開場, 多謝各位版友光臨!!!
之後就到小瑟同大家介紹一下當晚既禮物先, 再黎個開場 TABLE PRIZE, 當小瑟叫大家係自己既位下搵下, 如果有 LABLE 就可以先有獎品, 點知原來人人凳底都有 LABLE既, 係酒家方面既 LABLE, 果一刻, 真係笑爆咀……XDDDDD
每檯既得獎者出黎合照一張.
之後我地就先抽出第一組既禮物先, 獎品種類太煩多勒, 大家自己睇啦~~XDDD
睇相當然未夠喉啦, 我地做得影音網, 當然版友們都有唔小既新科技影音架生可將現場既實況紀錄一下啦. 而以下既影片就係由我地既版主rlwk2009兄提供既, 所以以下就係開場時既片段勒~^^”
我地是晚, 獎品真係太豐富勒, 所以全晚都不停夾什大量抽獎同領獎, 不過係咁齋抽獎, 好悶架麻, 所以我地就分別有二個遊戲, 一個係玩 XBOX Kinect, 而另一個就係啤酒勁飲大賽勒~
我地先黎睇下 XBOX大賽既精彩片段先丫~~~^_*!!
最後, 就由電玩版版主JONESCHAN擦新左新既世界紀錄呢~~XDDDD
而其餘既版友們, 就可以得到原裝版卡巴斯基防毒軟件一套既……….(其實JONES想要呢個多D架, 因為佢冇車丫麻~~~~XDDDD)
大家睇下佢勝出時幾咁高興~~XDDDD
之後, 就由我地既MANKOO大哥主持第二輪既抽獎環節勒~
好玩既野當然唔好比佢停, 黎完一次充滿運動量既 XBOX奧運會, 之後就到我地既戲玉, 啤酒勁飲大賽勒, 我地每檯都要派一個代表出黎去角逐呢個啤酒王既寶座, 不過大家可以睇到, 只係身形, 我地幾個其實基本上已經輸左……………….一_一”
**特別嗚謝law1987兄提供高清實況影片**
答案好明顯勒……………………………..>.<
而本來當晚只係預備左比男子組決賽架姐, 但估唔到, 原來大家想睇既, 反而係女子組都玩勁飲, 係一片歡呼聲之下, 女子組既啤酒勁飲大賽, 正式展開勒~~XDDD
之後, 又係一個本身冇預到既環節, 又係詢眾要求, 就係所有前任同現任版主既啤酒勁飲大賽勒, 不過同之前既唯一唔同既, 就係呢次係冇獎既………………輸左果D版主~~XDDD
不過大家都冇咩所謂啦, 因為出得黎行, 預左要還架麻~~XDDDD
好明顯….有D版主已經皮態盡現………係懶”皮”個”皮”呀~~XDDD
當然, 最後大家都一定係比賽第二, 精神第一啦~~~^^”
而呢次既比賽, 勝出者就係我地既AV硬件版版主, 九爺勝出既~~^^”
一輪興奮之後, 又到第三輪既幸福大抽獎勒, 今次我地既主持人就係”士東SIR” KEN哥仔勒~~^^”
去到呢度, 獎品基本上已經送得7788架勒, 不過, 你呢個時候, 先係最緊張既時刻, 因為, 最後三份超級大獎, 依家先出現, 大家唔好以為之前抽左獎既朋友會好失望, 因為我地呢三份大獎, 係由頭再抽過架, 即係話, 呢三份大獎, 絕對係再一次, 人人有機會, 玩足成晚都唔”支力”架~~XDDDD
而因為我地三份獎都係份量十足, 所以係絕對冇分頭二三獎之分既, 我地就先抽出三位有份角逐既幸運兒出黎先…(感覺好似選緊港姐咁呀~XDDDDD)
唔係講笑, 三位勝出既朋友(我當佢地WIN左架勒~XDD), cthong兄直頭著埋件印有76 既T恤來, 你咁撐76, 抵你中大獎既~~XDDD
好, 頭三個獎就以最簡單既分勝負方法………..就係…….##!
先由ONKYO送出既 “Onkyo BD-SP308” 藍光機一部, 得獎既朋友就係攝影界無人不識既NEL哥勒~~
之後就係由信和影音送出既 “Audioengine A2 (computer active speaker)” 一對, 得獎既就係我地既嘉賓之一既 Partic, 又因為佢係嘉賓之一, 佢獎份禮物轉送返出黎, 而最終得獎既就係JerryLo 兄勒~~~^_^
最後, 大家都知道, 蒼天真係有眼架, 真係比 Cthong兄勝出囉埋部 Pioneer 最新既 BDP-430 藍光機一部, 大家都知道, 12月2日呢個時候, 跟本就未出Pioneer BDP-430, 所以, 呢個獎我地係以”機花”形式送出比 Cthong兄既, 而係前日, Cthong就收到通知, 係1月6日就會將呢部最新既BDP-430送到Cthong手上勒~~YEAH!!!^^”
大家一齊來分享下佢既呢份喜悅先啦~~~http://www.post76.com/discuss/viewthread.php?tid=57300&fromuid=4
而呢晚既版聚, 去到呢度, 亦都完滿結束勒, 最後, 我地當然就係黎合大合照啦, 分別係版主們同每圍既版友都分別出黎合個照, 留個念!!!
而當晚, 我地仲有一對非常非常之有心既版友夫婦, 佢地一合提早一日返香港, 另一個就收10:00都即時趕過黎, 就係為左可以同各位版友見過面, 打個照, 呢對夫婦就係我地既KingS夫婦, 佢一早已經係FORUM講底話會較遲到達同埋叫我地倆留下飯餸, 起初真係以後佢講笑, 點知佢地二個都竟然有向祺哥做確認手續, 真係非之唔話得呀. 而仲帶埋枝香檳來做76週年既賀禮, 真係非常非常之難得, 估唔到係網上, 大家都係萍水相逢, 但我地都可以真係囉個心出黎交朋友, 真係另人非常之感動呢~~~@@!
而今年比往年除左人數多左之外，更加值得高興既係，今年有非常之多既代理、發行、合作伙伴及商戶，對我地既週年版聚作出史無前例，超大力度既支持, 讚助出超過過１５０份獎品比我地現場參與既各位師兄弟們，好讓大家都可以開開心心咁過一個, 有野食, 有獎抽既一晚, 而最緊要既當然就係, 禮物人人有份, 永不落空啦．係度想借篇幅嗚謝一下有份支持我地既品牌包括（排名不分先後），ＰＩＯＮＥＥＲ先鋒電子(香港)有限公司，ＯＮＫＹＯ安橋(中國)有限公司， 信和音響國際有限公司，Ｄ＆Ｍ Ｓａｌｅｓ ａｎｄ Ｍａｒｋｅｔｉｎｇ（Ｈ．Ｋ．）Ｌｔｄ，Ｃｙｂｅｒｐｏｒｔ香港數碼港，洲立影視有限公司，鉅星錄像 發行(香港)有限公司，得利影視股份有限公司，通利琴行（ＹＡＭＡＨＡ），ＨｉＦＩ Ｇａｌｌｅｒｙ，ＭＳ ＨＤ Ｐｏｗｅｒ，ＯＰＰＯ藍光播放機，環球唱片有限公司，豐華唱片有限公司，ＴＩＳ唱片有限公司，最後當然就係多謝ＡＶ雙周以及ＤｉＧｉ數碼，除左讚助我地週年版聚既抽獎禮物之外，仲給予我地７６每期篇幅將網上既討論 世界，帶到真實既書本上．
最後，除左要多謝版友們，合作伙伴們之外，我想係度，鄭重地多謝一次，Ｐｏｓｔ７６中，最重要既鐘樓底柱，冇佢地咁多位多年來既無私付出，就唔會有 今日的Ｐｏｓｔ７６，各位前任及現任既特攻隊，版主，行動組，版務總管，副版管，無你地支持，７６唔會有今日，而我好希望未來既１８年，２８年，３８年後 既版聚，大家都可以一同渡過開心既時刻呢！！
＊＊以下就係今次既版聚引申出黎既討論。
[圓滿結束] §◎ Post76 八週年台慶版聚 ◎§
http://www.post76.com/discuss/viewthread.php?tid=53610&fromuid=4
[吹水] Post76 八週年台慶版聚禮物報到區
http://www.post76.com/discuss/viewthread.php?tid=55295&fromuid=4
[吹水] 台慶回歸
http://www.post76.com/discuss/viewthread.php?tid=55201&fromuid=4
[X360] 周年版聚 Kinect 比賽分享
http://www.post76.com/discuss/viewthread.php?tid=56254&fromuid=4
