【AV 雙周】發刊既影音調校叢書系列，一直都受一眾玩家歡迎，令大家較容易理解自己器材點樣先發揮到應有水平。
亦都因為咁，當雜誌再舉辦呢類調校活動，請黎有專業認正既主講現身說法分享經驗時，就更加多人支持。上星期 2010 年 5 月 29 日下午就有一場 HD 影像調校分享會 …
今次舉辦地點係中環信和音響。
呢次亦都係 post76 網站第一次到場採訪【AV 雙周】所搞既活動，其實應該話比左個機會我唔洗報名都黎到學野就真 ~ 哈! 講明採訪兼學野，當然要早到場。一黎到已經見到雜誌主篇好忙碌咁準備緊，
所以我都係唔好打搞佢住，到處影下現場環境大家睇睇先 …
今次活動約有二十位【AV 雙周】讀者出席，
不過比我發現到當中竟有 5 位 76 版友被抽中! 哪 ~ 呢張相我都搵到四個 ~ 哈!
活動開始時，擁有 isf 及 THX 雙認証資格既【AV 雙周】主編周誌遠先生先 (Desmond) 為大家講解分享會內容 …
今次第一次搞既 HD 影像調校分享會，所以活動希望令到有興趣調校既玩家，正確認識到最基本調教概念及目的。所以 Desmond 首先想了解大家個人覺得點解要調好個畫面，結果大多數認為當然要調靚佢 … 不過，平日一般人話靚既書面，其實只係味精、添加濟黎! 但你認為靚既畫面，又是否等同我認為靚呢? 標準又應該點定呢?
之後 Desmond 再比多張夜影既畫面我地參考，今次個例子就更明顯理解到，如果我地以個人認為靚作調校，可以令以下原本只係夜景既畫面變左黃昏 magic hour 既時間，同時所有黑位、細致度相對都有影響。
所以真正要調校好個畫面標準，其實係要盡量調到同拍攝電影時，導演想表達到既畫面效果，當時當刻實際既情景。因此調完部電視或投影都好，畫面鮮豔度唔一定最靚、最給引到大家，反觀所謂電影感就係咁黎!
之後 Desmond 再簡單講解市面上大家可以有什麼調教碟或儀器可以幫到手調校畫面。
講左咁耐，終於到戲肉! 詳細我唔多講，大家先睇睇當中要點! 我都係當日先理解到當中要點及問題所在，所以無謂班門弄虎講咁多，有興趣既下次記住參加【AV 雙周】及我地網站往後搞既調校分享會!
當日單係關閉畫質優化功能都用左接近一個鐘，因為 Desmond 係每個個別功能都講解得好清楚相關意思及作用。事後理解返，原來呢個入門初階理念，已經係 isf 入門資料其中一小小部份，所以真係獲益良多!
其實每調校一個選項，都會影響到之前 set 過既設定，所以大家都要反覆前後跟進先可以調得較理想。
基本調校部份都差不多到尾聲，基於今次借黎既 LG Full LED LE8500 55″ 電視，其實係取得 isf 認証技術，所以 Desmond 特別講解埋機內其它專業設定。
之後，再以剛剛出既《火龍》藍光影碟睇睇調校完既畫面，順便感受全新 Yamaha RX-V567 既聲效威力。
最後當然又係抽獎時段，今次【AV 雙周】送出三套《通天奇兵》特別場既門券，
結果大家睇睇又有幾多位 76 版友抽中 ~ 哈!
今次【HD 影像調校分享會】現場報導完畢 ~! 其實往後 post76 網站及【AV 雙周】都會繼續搞多些調校分享會，甚至乎合作一齊搞都未定，相信一定滿足到大家渴求。另外，通過水大家知，好快會有本關於投影機調校指南既書推出，想自己動手玩好部投影機既玩家們，就記住密切留意!
