Post76 第一次被邀請參與公開既 Hi-End 音響活動，仲要係同行內有名既大昌行合作，實在係網站既榮幸、版友既福氣! 希望往後可以有更多機會，引進到唔同級別既器材比大家親身體驗，做到【音響級別無界限、真心感受樂其中】既理念。
講返呢次有幸見識到身價百五萬既法國 Cabasse LA SPHÈRE 喇叭體驗會，香港係計日本後，第二個亞洲區發報既地方。係 2010 年 5 月 22 日 (星期六) 當日，共有三場安排係香港銅鑼灣怡東酒店三樓比各大媒體及廣大市民試聽，感受呢對大眼仔既威力。
係下午公開活動兩場，合共招待接近三百名影音玩家一族，我地 post76 最終都約有四十名會員出席，呢點對我們來講亦是難能可貴。因為過往自己搞既 AV 影音活動就舉辦左好多次，而且一吹雞 60 -70 人可謂濕濕碎。不過講到 Hi-Fi 活動，就從未搞過任何一場，仲要一黎就玩 Crossover 既 Hi-End 活動，最終反應真係令我們十分鼓舞。當然有身價超然既 LA SPHÈRE 喇叭做號召、加上 Cabasse 廠商派出代表 Mr. Christophe CABASSE 親身講解，仲有香港 Hi–End 音響界名人大草 ~鄭力勤先生出席作招來、再有大昌行全力支持，又點會唔成功及鬨動!
CD轉盤: Accuphase DP-800
CD解碼: Accuphase DC-801
前級: Accuphase C-2810
電子分音: Cabasse LA SPHÈRE 原裝四路電子分音器
後級: Cabasse LA SPHÈRE 原裝單聲道 1000w 後級 8 部
兩場都可以話座無虛席 …
唔知大家又可唔可以係上下兩張相，認得出幾多位 post76 師兄既背影 …
每位入場既人士當然會收到產品資料，
及 CABASSE 記念筆一支，
當收過資料後，大家都即時好奇地翻閱小冊子，了解 LA SPHÈRE 既個人之處。
資料上清楚講解到，法國品牌 Cabasse 呢對 LA SPHÈRE 來頭真係唔少，單係設計都花左十多年時間，目的不過是為房間打造 3D 聲音的感覺。它是個4路同軸的揚聲器，頻率響應達 20-25,000Hz之廣。值得留意 4 路同軸分音設計，是用四個獨立的放大器推動，每隻喇叭的總輸出高達 2600W。至於圓球體設計也不是得個樣，原來這設計可避免低頻振動，以及解決駐波的問題，兩者都可以令低音更結實和清晰。
活動正式開始， 先有大昌行派出既主持講解活動由來，跟住 Mr. Christophe CABASSE 分成三部份解構制作 La Sphere 喇叭既理念、構做、以至如何令到喇叭提升到超身價既表現等等。
當然音響技術主篇大草 ~ 鄭力勤先生都為大家挑選左多首不同風格既曲目比大家欣賞，當中記有 Classic、又有 Jazz、更有繪隻人口既經典作品、仲有埋 CAS 既原檔測試。
"We will rock you"
"酒紅色的心" LPCD45 Master II 白版 CD
"Paul Anka My Way" with Frank Sinatra
"We get requests" FIM 版
"Songs my mother taught me" AQCD
香港敲擊樂母帶 file
不過總觀兩場，最大回響既都係我地香港歌神張學友出既限量版玻璃 CD 測試既環節，先講身價，要成港幣 $15,000，單呢點已經令全場起鬨 … 原來個包裝仲有個水晶玻璃盒。
大草揀黎 “十二個音” 呢首歌作測試，當然先播放約分多鐘原版 CD 比大家感覺先，之後再全首播晒玻璃版。講真，又真係有明顯既分別。據聞現在只剩三隻可以向大草訂購，不過活動完結時已經少左兩隻，因為有發燒友即場訂左 ~ 呢兩位豪傑都正正係我地 post76 既會員之一，不過未得當時人同意，所以邊個就唔講 la!
點都好，係網上找黎相關既包裝大家參考 …
附加資料: 玻璃 CD 音質讚可保存百年
玻璃 CD 由日本 Fine N&F 公司研發，標準是 CD44.1kHz 規格，採用光學玻璃作材料，音質高且穿透度十足，
可將母帶品質提升至極限。以純手工製作，透光率遠超過一般塑膠 CD，且硬度高不會彎曲，也不會折射，
雷射讀取極為穩定，可保存百年不壞。因製作繁複，每片 CD 製作需 1 個月，每做 1 張要重新開模，
光是空白片要價 9.8 萬元日幣。
活動尾聲都例必有個抽獎環節，今次既黎品都幾重手 … 每場各送出一套過萬元 CABASSE 5.1 組合，不過好可惜兩場都無 post76 既師兄抽到，唯有下次再黎過!
大家對今日大草揀黎既曲目都好有興趣，所以個個發燒玩家散場後，都立即到音響技術既接待處查詢及選購自己心水靚聲 CD，據知都有好幾位 Post76 師兄選購左。
個人試後感:
我參予晒兩場公眾既體驗會，第二場明顯比第一場好好多! 點解就唔知太肯定，但都托朋友請教過大會，所知既係第一場後都有按實際情況做左改善。據我早上到過邀請媒體試聽個場所見 (當時無論試聽)，但人數比兩場公開活動少起碼四份三有多，可能因為最先調校會以媒體個場做跟據，所以有誤差亦是可接受，不竟太多人肉吸音柱；見大會咁認真，每場完都按前場情況作改善，期望下場發揮緊好，單位呢點咁專業及承意，已經值得加許。講真，要真正測試任何音響器材既實力，最好都係人少少搵代理安排，特別係兩聲度既限制咁大、要求咁嚴謹就更加 la。
總觀感覺，La Sphere 既還原能力真係好高、原全無拖泥帶水既情況，人聲非常清晰、高音表演出色，低音既量亦非常足夠。每個樂器既定位、或張學友既演譯，都仿似置身現場 Live Show 咁，加上要應乎 2,000 呎既 Function Room 連每場百多人既體驗會，仲有咁實在既效果，真係超班之作。對我黎講述，總算見識到過百萬身價既音箱既威力，如果往後再有機會安排更多不同級品型號既音響器材比大家感受，相信會更可玩!
如果大家想參考埋其他會員體驗後既感覺、一齊討論相關經驗或睇睇佢地影既靚相，可到以下連結 …
<< HIFI音響軟硬件討論區 >>
Cabasse LA SPHÈRE 聽後小感
http://www.post76.com/discuss/viewthread.php?tid=38004
Cabasse LA SPHÈRE 體驗活動….小小報告
http://www.post76.com/discuss/viewthread.php?tid=38030
今日响 Cabasse 試聽會一入 – 紫銀合金 AQCD
http://www.post76.com/discuss/viewthread.php?tid=38033
<< 攝影討論區 >>
Cabasse 試聽會 – 相片分享
http://www.post76.com/discuss/viewthread.php?tid=38036
Cabasse LA SPHÈRE
http://www.post76.com/discuss/viewthread.php?tid=38097
————————————————————————
有你既支持，就係我地最好既推動力，齊齊參予
「有玩、有 FUN … post76.com」
最後補充既，係當日器材既靚相及其它相關產品既展示 … 據聞現在見到既所有器材總值接近三百萬港幣。
Cabasse LA SPHÈRE
Cabasse LA SPHÈRE 既背影都幾形仔。
喇叭線既插位原來係個座最底部。
Accuphase CD Player、CD 解碼及前級
後面條條靚線黎! 接駁到 … LA SPHÈRE 電子分音及後級。
Cabasse 其它級別產品 ~ iO2 系列
iO2 系列
iO2 系列
iO2 系列
iO2 系列 ~ Santorin 25 Subwoofer
Cabasse 其它級別產品 ~ Altura MC 系列
Altura MC 系列既高音單原
Cabasse 其它級別產品 ~ Eole 2
同場仲有另一類產品展示，日本製造既 Soul Note CD Player/DA 喇叭
Soul Note sm 1.0 喇叭、sa 1.0 Monitor Amplifer 及 sc 1.0 CD Player
Soul Note sm 1.0 喇叭
Soul Note ma 1.0 Monitor Amplifer
Soul Note sa 2.0 Power Amplifer
Soul Note da 1.0 Class T Digital Amplifer
