圖: Lemonstar (76特攻隊攝影師)
文: 小瑟
早幾日, 經AVMILK兄既引薦, 小瑟有機會上去一試傑士新出既喇叭系列, ICON W, 呢套新既喇叭系列, 同之前既舊版分改進非常之大, 除左外型設計更加配合現代家居擺設之外, 係音色既技術上, 都下左唔小苦工, 係小瑟同 HIFI GALLERY既負責人KEN兄細談之下, 知道原來呢套新系列有個叫 XT Tractrix® Horn 既設計, 可以增加輸出既能力同表現, 令高頻更加精準同開揚, 而呢個設計以聲音既表現黎講, 相信要做到同樣效果既, 一定要有更加大既音箱既設計先可以出到呢個力量出黎, 所以, 現時新系列既主要賣點, 就係以小音箱做出更大既量感同效果, 至於實際早仔收貨係咩一回事呢, 呵呵…….小瑟係下段再同大家報導!!!^^”
就以小瑟當日用左小小既時間係HIFI GALLERY既鋪面作一個好簡單既試聽, 用上書架式前置既組合來講, 聲音既細節還原度都唔錯, 而左右後置既聽感都非常埋身, 可能因為始終都後置放得好近黃帝位既關係啦, 但前中置三個就有小小唔夠喉既感覺, 不過我相信應該係套機岩岩返黎, 都未有時間好好 SETUP既關係, 但佢新款既 8吋同10吋既 SUBWOOFER型號就真係有驚喜呀, 一個小小既 10吋 WOOFER竟然都可以比到小瑟有[掃褲管]既感覺, 真係估佢唔到呀. 係小小既30分鐘測試黎講, 其實小瑟呢個小小聽後感絕對係唔可以作準既, 始終, 當日好多野都未 SET好, 就急急開聲試聽, 不過唔緊要, 好快我地就可以同大家一齊有機會好好真正可以有專門既時間好好欣賞呢套新出既傑士 ICON W系列, 有興趣瞭解一下究竟 KLIPSCH新系列除左個樣得之外, 究竟仲 KEEP唔 KEEP到KLIPSCH一貫 C/P極高既水準既 FANS, 記緊留意我地活動部 WIL-WIL既最新情報勒~~~~^.^
同場加影, DENON 4310 & 3310真身^.^
黎得 HIFI GALLERY, 我地當然唔會放過可以盡情影相既機會啦, Lemon兄都係攝影發燒友, 所以見到有DENON既新機放左係度, 就毫不客氣咁………..@@!
DENON 4310
之後到下一位佳麗 DENON 3310…..
如果大家對新 KLIPSCH ICON W想作出討論既, 請到我地討論區同大家交流一下啦!!!^_^
http://www.post76.com/discuss/forumdisplay.php?fid=5
我地會係8月15日星期六同HIFI GALLERY攪左個 [POST76活動]Klipsch 新系列 – Icon W 率先震撼全接觸測試會, 如果大家都想一試新系列既威力, 請盡快報名啦!!
http://www.post76.com/discuss/viewthread.php?tid=17447&extra=page%3D1
