小瑟其實只係一個非常之入門既玩家, 依家先學 人玩下電源線同換左D比較好小小既廠線, 呢日, 小瑟就可以去參觀一下 AVMILK兄呢位 AV發燒友既超級家庭影院, 一入去到屋, 小瑟已經O哂咀……因為對小瑟來講, MILK兄套傢生, 真係好堅呀~~~~@.@
MILK兄非常之長情, 仲係用緊多年既服役中既 Energy AC300 來作呢個前中置, 係我地試戲既時候, 呢三隻喇叭已經熟到透, 簡直可以話係高音甜, 中音準, 低音勁, 一句講哂, 通透呀~~~XDDDDD
講笑完畢, 但事實呢三隻喇叭真係拳拳到肉, 非常實淨, 用來睇戲簡直係一流!!!^^
之後就當然係先睇睇MILK兄用既 BLU-RAY PLAYER啦, 佢都係 PIONEER既 FANS, 05FD絕對係不二之選!!
投影機就係半高清既型號 Mitsubishi HC3100, 我地係試鄭秀文LIVE BLU-RAY時……真係SHARP到呢……
而重播DVD呢個部分, 就交左比 Marantz DV9500, 呢部機播DVD既功力有幾強, 我諗都唔洗我多講呢!!!
之後就到全屋企影音系統既中心 Denon AVC-3808, 天龍係新既HD AV AMP當中, 3808絕對係數一數二有力水, 分析力又好既機種………….
不過, 一般既力量 MILK兄又點會滿足, 佢當然會搵埋部POWER AMP來另到整個影院都充滿爆炸力呢!!! Korsun V8i 就肩負起呢個責任勒~~~
PS3…….一部係08年性價比最高既器材, MILK兄除左打機之外, 仲要來做埋佢既 Network Media Player, 呢部機, 的確係周身刀, 張張利!!!
大家睇到嗎??? 我諗唔洗我講都知係咩喇叭線哩…….SFH President X
呢枝野真係同大家介紹都多餘, 13″單元既超低音 SVS PC13-Ultra, 果日除左小瑟之外, 希望下年可以重建新既家庭影院既雷因兄都有一齊上佢呢個超級影院, 最後係點…………………雷兄已經冇得簡其他既超低音呢~~~XDDD
MIL兄玩 AV非常講究, 係牆角專登整左二塊由地下到天花既AIRZONE擴散板, 來減小低頻註波既問題.
愛惜 CD既朋友, 屋企點可以小左呢部消磁器呢!!!
之後我地三家人就拿拿林食完MILK嫂既撚手小菜之後, 就開場睇左幾下幾套既電影, 而因為當日都有幾位小朋友在場, 所以試戲既聲浪只係一般大聲, 不過就以地球毀滅密碼炒飛機一幕, 冇哂野講架勒, 果個爆炸, 完完整整咁將整個長方形既家庭影院緊緊咁包住, 果份比低音包圍而又唔肥膩既掃腳感, 依家仲係小瑟個腦入面, 而鄭秀文 LIVE既畫汁, 連平日小瑟留意唔到原來鄭小姐既眼眉係有D穿幫位, 真係好堅呀. 而到最後, 我地睇埋功能熊貓既最後一段, 肥貓靈犀一指既果下低頻真係個SUBWOOFER體力差D都唔掂呀~~~~
時間真係過得好快, 因為呢次家訪有一半係以探MILK兄既小公主為主旨既, 所以只可以小小咁試左幾套戲咁多, 而今次既家訪, 要再一次多謝MILK嫂辛苦地為我地下廚煮左好多美味既意大利菜比我地食, 原來亞嫂係非常之鍾意煮返二味, 小瑟試過仲要係非常之咁好食, 直頭好食過意”奮”屋呢~~^^”
MILK兄係影音高手, 而MILK嫂就係入廚高手, 夫婦二人都係高手中既高手, 小瑟真係甘拜下風, 大開眼界呢!!!!
