尋日都去睇左10:00場, APM 2院, 估唔到咁夜都7成人, 多數係後生仔, 套戲比我想像中冇咁恐怖, 係有D嚇鬼音響位, 之前叫埋舅仔去睇, 佢話唔睇因為西片鬼片都唔夠恐怖, 果然, 西片鬼片都係講故事多, 唔會太令人睇完出黎仲驚緊, 呢點真係日本片同太國片勁好多. 不過點都好, 呢套戲節奏都可以, 唔太慢睇得都叫舒服, 值得一看呀!!!
下面含小小內容:
其實成個故事如果真係真人真事, 咁我覺得個男主角跟本就係神安排佢去做呢件事既, 因為佢個病跟本就係FOR去解決屋內既所有怨靈而生, 而佢做哂整件事之後, 佢個病竟然可以好返, 所以成套戲比我既感覺就係咁, 當然真實世界係咁咪咁我就唔知, 亦都冇諗過去深究, 但就咁睇成套戲, 我就覺得似係咁, 唔知睇左套戲既你, 會唔會同我有同一個感覺呢???
