我星期日終於都睇左, 可能 T2睇得太多次, 不自覺咁記得哂所有野, 所以今次整個未來戰士世界觀原全理解, 所以睇得勁正, 勁投入, 同勁好睇, 好睇過 T3好多(可能太唔鍾意T3既 JOHN..~_~), 雖然冇左T2既單打獨鬥, 不過本集整體編排非常之好, 尤其係”馬克斯”呢個角色另我非常之有興趣追看究竟係咩一回事, 真係好正, 大場面又緊張, 我睇戲時有一幕飛機爆炸彈舊唔知咩埋黎果下我直頭要避開, 可想而知我投入得幾交關呢??
不過呢集泛駁位又真係幾多, 好似JOHN比 T-800(唔記得 MODEL)兜野穿心, 跟本就應該即時玩完, 邊可能仲有得慢慢HELP…..不過唔好太在意呢D野既話, 呢套絕對係要睇, 仲一定要去戲院睇, 我好耐冇去戲阮睇大片, 今次我去新德福 MCL睇, D音響真係掂到啪啪聲, 就算屋企套野幾勁都好, 都冇可能有得比, 所以大片都係去戲院睇好呢!!!!
同場加影: APM T4 figure展覽 –
