如果呢套唔係佔爺做, 可能冇咁好睇…………….
但又因為係佔爺做, 所以人人都會覺得唔夠好睇………..
以上<<乜都得先生>>既簡單評語, 不過當然唔止咁小, 要我睇完既戲有興趣打下小影評既, 講真真係唔多, 不過呢套一定係其中一套, 我成日覺得, 可能佔爺上位成名作太強, 太爆了, 所以佢依家既戲如果唔名強, 唔夠爆, 人家就會覺得”好一般, 唔好睇, 過得去”等等等等來形容, 不過, 如果你同我都可以當唔係睇緊佔基利既話, 呢套<<乜都得先生>>絕對係會令你睇到會心微笑既電影, 可能我地大家有時都會覺得事事唔如意, 生活好迫人, 又唔想見人, 又唔想應酬, 但就好似戲中所講, 咁樣會唔會就係浪費左生命呢??? 好多時, 可能我地覺得做完冇著數同埋做左冇意思既事, 往往就會另你有意想不到既收穫. 呢套戲想帶出既信息就係咁. 當然, 當中會加插好多佔爺既個人攪笑功能, 呢點始終都要有既, 不過呢套的確係一套幾”攪鬼”既電影…………..
唔講你唔知, 其實呢套係一套愛情片來架!!!!
