因為本身對功夫片都好有興趣, 而港片中, 又以甄子丹既功夫睇得最為賞心悅目, 所以一路都好想買返佢既BLU-RAY碟來儲下, 之前既殺破狼同導火線, 因為劇情始終都唔係好完全同我何車, 所以一路都提唔起勁入手, 今次呢隻葉問, 之前睇過大陸版既DVD, 內容令我好有驚喜, 而片中既甄子丹, 更加係做得最有意思既一次, 所以呢隻碟雖然係環宇既出品, 都唔理三七廿一, 入左手先算勒!!!^^”
我第一隻甄子丹 BLU-RAY電影, 貪佢有齊 TRUE-HD 同 DTS-HDMA
SF竟然有成 125分鍾, 睇過內容都算唔錯. 當然就唔可以同西片既 SF比較啦!
封底內容一覽
碟內非常簡單, 就只係碟一隻咁大把!
比大家睇清楚老寰個LOGO勒~^.^
全碟容量 43GB, 正片應該係 33GB左右既!
開場睇左小小, 畫面 NOSIE 好勁, 勁到好似有層野係面咁, 連我太太唔識高清既都話畫汁唔係好掂, 同HDTVB比, HD TVB仲SHARP小小………..咁大家都知道究竟呢隻碟係咩事啦. 估唔到黎到BLU-RAY年代, 老環都仲係咁….都幾失望!!!
之後睇埋特別收錄同埋效光返小小個TV光度同開埋NR來睇, 畫面好左小小, 叫做睇得舒服左.
之後試埋音效方面, 此碟收錄非常之齊全, 有哂 LPCM7.1, TRUE-HD 7.1 同 DTS-HDMA 7.1 . 不過呢個回合 TRUE-HD係羸哂既 DTS-HDMA中置勁細聲, D效果又誇張哂…….唔自然呀…….
特別收錄唔錯, 都叫幾多野睇, 尤其如果真係對葉問有興趣既, 都可以睇得好開心.
雖然呢套碟係出得真係唔係好好, 但經過調效之後再睇, 己見好返好多了, 不過你問會唔會係示範級呢?? 就無論畫汁同音效都冇佢份架勒, 只可以話係岩岩合格囉. 好在套戲本身真係好睇, 所以將就下都冇問題既!!!^^”
呢隻碟我唔會放二手市場了, 始終呢套都係好戲, 當KEEP葉問同子丹都係可以既呢!!!
討論區討論串: http://www.post76.com/discuss/viewthread.php?tid=10166&page=1
