12月9日, 係英國既亞馬遜網站訂左呢隻香港版要賣到成 $329蚊既 BLU-RAY BATMAN黑夜之神. 因為英國BLU-RAY正常應該係 B區既, 而我地香港就係 A區既, 咁小瑟係買左行版既 PANASONIC BD30來睇 BLU-RAY既, 所以都好怕呢個英國版係會睇唔到.
尋日終於到手, 放入我既只支持 A區 BLU-RAY既 BD30內, 好好彩, 真係睇到, 證明左呢隻碟真係冇區碼既, 所有機都睇到. 而正片就更加有齊我要既繁體中文字幕, 不過 DISK2既 SF就真係冇勒, 不過唔緊要, 小瑟都係睇正版, 唔係太多睇 SF, 所以都冇所謂.
之前小瑟就係網上搵來一D BR RIP既版來睇, 同呢隻VC1既 TDK來比較, 黑位真係實好多好多, 非常之掂, 音效雖然只係 TURE-HD, 不過已經比我之前聽過既 DTS版有力, 細緻得多好多. 當然係 HD音效, 就算唔洗開好大聲都已經高下立見.
今次小瑟第一次係外國訂碟, 當然冇決定錯, 雖然係等得耐左小小(12月18日先收到碟), 不過當你知道我訂碟連運費只係等於港幣 $193蚊既時候, 我諗, 多等幾日, 又有咩所謂呢!!!!
原文討論串: http://www.post76.com/discuss/viewthread.php?tid=9077&page=1&extra=#pid105624
