一路都好想睇到一套正正經經咁以三國為題材既電影, 自從上次奶左華仔野睇左套 “三國之戰龍卸甲” 之後, 對呢套由吳宇森既作品赤壁, 有更期望. 但呢D歷史電影想拍得好, 係冇可能既, 因為珠玉在前, 有左主觀因素既話, 係好難得到滿意既效果既, 不過呢套拍成點都唔會衰得過”三國之戰龍卸甲“呢, “戰龍卸甲”係一套借三國時代做舞台既古裝片, 而呢套, 就係真真正正既三國歷史電影, 但吳導演係處理古裝片上, 的確係冇咁到家, 雖然係好多動作同大戰爭場面上, 佢係做得好好, 不過係一D文戲上, 我個人覺得有小小 OVER左, 當然呢個只係我既個人睇法, 唔代表套戲係唔好既. 始終睇戲既野, 人人收到既野都唔同, 但你問我會唔會睇埋第二集, 唔洗講, 一定點都會去睇架勒, 原因好簡單, 因為係我三國迷, 尤其係對孔明(留意, 唔係金城武呀, 雖然佢都好型仔~XD)既情意結, 更加係唔洗講, 即時入場!!!XDDDD
(以下只係我小瑟既個人睇法, 我知道好多人都同我抱相反既看法, 所以大家唔洗咁認真睇呢篇文呢!!XDD)
先講講唔好果D先, 吳導演既呢套赤壁, 首先我最唔滿意既就係選角, 關羽, 張飛, 趙雲, 都冇”戰龍卸甲”選角好, 當然你會講, “戰龍卸甲”趙雲係劉華做, 梗好啦, 咁我都明, 不過由胡軍來演, 係咪最恰當呢??? 我自己就覺得可以搵個再英氣D既就會更好勒. 至於關羽同張飛, 唔知點講, 總之就係好顯眼係化妝代出黎既人物, 唔似得”戰龍卸甲”中既關羽同張飛咁活生生係我既面前.
其二就係有D位真係好似睇緊笑片咁, 當然我都明白導演可以係想表達出張飛有異於常人既勇猛, 不過衝埋去枝槍度用心口整斷枝槍呢下野, 真係攪笑十足, 勇猛欠奉喎, 呢場戲真係笑得死人. 真係眼淚都標埋呢~~~XDDDDD
其三就係文戲, 吳導演處理呢D古裝文戲真係太長, 不能點到即止, 往往會比人沉悶既感覺, 當然我都明白, 自古至今講三國既電視同電影, 全部都係9成時間放係戰鬥謀略, 戰鬥上, 吳導演可以想比人一D與眾不同既睇法, 但三國最為人津津樂道就係果種鬥智鬥力, 雖然係同盟伙伴但其實都係對你虎視眈眈既緊張感, 但本片既張力係有, 不過往往就會比太多而又沉長既文戲, 將觀眾情緒由高點硬拉返下來, 未能盡興呢!!
好, 講完唔好既, 當然就要講返D好野啦, 如果唔係我都驚比所有既三國迷打我一身呢~~哈哈^^”
故事一開場就講曹操帶八十萬大軍, 去打劉備, 而戰場上一開始我地就見到諸葛亮係地下聽野…….冇得講, 由金城武來做呢位年少而不凡既諸葛亮真係一絕, 完全係岩哂佢做. 果份智慧同英氣, 完全係金城武上可以搵得返, 而周瑜呢個人選, 亦都選岩左角色, 由梁朝偉湖來做就真係岩哂, 朝偉係演活左美周瑜果種愛美, 優雅, 同埋成熟既智慧, 係呢套電影中, 直頭將諸葛亮比下去, 雖然諸葛亮只係深藏不露.XDDDDD
另外呢套電影內, 對孫權既描繪亦都非常細緻, 完全係立體左孫權呢位係三國中, 佔一個非常之重要既席位人, 係三國演義中, 不嬲對孫權既描繪都係非常之片面, 而今次咁樣講一講, 亦都可以解釋左, 點解當日, 荊州會比劉備佰左去, 而一借, 更加係冇回頭呢!!!^^”
另外打鬥場面設計一流, 尤其係以一敵百既場面, 關羽, 張飛, 趙雲都充分咁表現到佢地一夫當關, 萬夫莫敵既氣勢. 而最出眾既, 一家非關羽莫屬, 每一場有佢既場面, 都見得到三國演義上, 關羽係點樣可以得到 威力99呢個數值, 趙子龍就亦都係智勇兼備, 佢接飛槍果下, 真係睇到全場嘩然…..^O^ 當然唔小得既就更加係八卦陣果場啦, 總之係浩大既戰爭場面上, 呢套戲一定係史無前列咁壯觀呢.
當然呢套戲都改左唔小既地方, 不過大橋故事都同三國演義上既有9成相似, 如果以呢個故事方式咁去, 去到12月上既下集, 入面既內容大家係絕對不容錯過既, 因為下集就將會有非常之多既智鬥場面, 好多都係另人津津樂道架, 好似有 “草船借箭”, “火燒連環船”, “孔明借東風”, 全部都係,經典到不得了既. 希望可以快D睇埋個下集佢就好呢~~~~
