POST76既攝影版不嬲得嫻就會攪下攝影日咁, 好等大家都可以出黎交流下攝影心得.但係, 今次有成10個人一齊出黎影相, 就真係開谷以來既第一次. 難得難得!!!
呢日, 神咁早就約埋威廉, NEL, JONES, 赤貧, 導演, RADHK, RONALD, 雷兄佢地出去鹿頸影相, 我地先到左沙田集合, 食埋個早餐, 就分別由”雷兄”, “導演”, “RONALD”三個渣車車我地入去位於新娘潭再入既鹿頸. 展開我地POST76攝影版既版聚勒!!!
9:30左右入到去, 因為太多老友係用 CANON機同鏡, 所以今次有好多機會比我試下佢地既名器, 好似威廉兄既100mm/F2.8微距鏡(呢支野我好鐘意, 我喉住佢幾年架勒!!)之後仲有雷兄既小白70-200/F2.8(真係好正, 不過就好重!!)最後玩埋導演支16-35mm/F2.8(支鏡出黎既成像利到呢)呢三支野支支都勁野真係另我玩到唔舍得放手……
雖然我地今次係攝影版既版聚, 不過真係好難得可以有成10個人一齊出席, 當大家起行既時間基本上都已經變左吹水區版聚, 大家淨係吹水同笑呀都已經冇哂時間影相勒!!!之後我地就返返去原本起程既位置食呢度最出名既山水豆腐花勒, 期間, 當然就梗係唔小得交換下影相既心得同玩下新玩具啦. 另外赤貧兄帶左支會轉灣既鏡, 大家都玩得不亦樂乎呢!!
今次能夠有成10個人一齊參加, 仲要咁早出動, 認真係難得中既難得, 期望下次由攝影版既版主再攪聚會, 我地大家都可以一齊參加, 玩個痛快!!!
