今次【Bowers & Wilkins特約 : 聲火相傳】我地由老友 Antony請到 Leo師傅（馮煒國，Leo Fung）喺香港同內地都好出名，係音響發燒友之間嘅資深錄音師同唱片製作人。佢錄音或者參與製作嘅專輯，大家應該都唔陌生，好似《羅文情系佛羅內斯》、《聆聽中國》、《綺州打鼓》同埋《The Gallery of Fine Arts》都係佢嘅作品。其實，Leo師傅本身都係一個瘋狂嘅音響發燒友。
✨1987年已燒得頂尖
小瑟搵到1987年香港電台紀錄片《鏗鏘集》嗰集「音響發燒友」，就係訪問咗Leo師傅有幾瘋狂。當年Leo師傅已經玩緊一個值六千蚊港幣嘅黑膠唱頭。除咗玩音響、做錄音同製作唱片，佢仲創辦過一本叫《音響之路》的雜誌，專門教發燒友點樣玩好音響，玩出靚聲。
鏗鏘集 : https://youtu.be/Nrz6ct_ZjT4?si=y0HGv6_cdeh2_ViL&t=826
🔥【Bowers & Wilkins特約：聲火相傳】🔥
今次小瑟好榮幸邀請到Leo師傅同我哋Post76嘅觀眾分享點樣可以用零成本，”免費”提升音響效果。因為Leo師傅教嘅招數真係太多，所以我哋決定分三集同大家慢慢分享Leo師傅嘅玩機心得。
🔥播影時間
2024年8月2日(星期五) 第一集 #插蘇都要順序?
2024年8月5日(星期一) 第二集 #電源相位好緊要? #按摩電線線?
2024年8月7日(星期三) 第三集 #腳釘擺放方法? #喇叭擺位心法?
